Drježdźany (HS/SN). Honorarny konsul Chorwatskeje w Sakskej dr. Peter Neumann je minjeny pjatk nimo mnohich wosobinow z politiki a hospodarstwa tež delegaciju Krabatoweho towarstwa z Njebjelčic na přijeću w Drježdźanach witał. Přeprosył bě konsul čłonow nadregionalneho towarstwa, mjez nimi předsydu Reinera Deutschmanna, předstajerja Krabata Wolfganga Krausu a Njebjelčanskeho wjesnjanostu Tomaša Čornaka (CDU), składnostnje swjedźenja na česć narodneho swjatka republiki Chorwatskeje, kiž swjeća 5. awgusta.