Wot 1. awgusta je Christoph Pilz komisariski jednaćel Marketingoweje towaršnosće Hornja Łužica-Delnja Šleska (MGO). Hač do 31. julija je tele zastojnstwo prof. dr. Holm Große wukonjał.
Budyšin (SN/mwe). „Chcu sobudźěłaćerjam Marketingoweje towaršnosće Hornja Łužica-Delnja Šleska po móžnosći njekomplikowany přechod zawěsćić“, praji 24lětny, kiž tuchwilu na čole towaršnosće steji. Oficialne znowawobsadźenje městna prof. Großy – wot spočatka awgusta wyši měšćanosta w Biskopicach – je klětu 1. awgusta planowane.