Farski zarjad do něhdyšeho diakonata zaměstnili

wutora, 25. awgusta 2015
artikl hódnoćić
(0 )
Njeswačanska fara bjezposrědnje pódla tamnišeje cyrkwje. Wěža Božeho domu je wot lěta 2009 zaso dospołna.  Foto: Alfons Handrik Njeswačanska fara bjezposrědnje pódla tamnišeje cyrkwje. Wěža Božeho domu je wot lěta 2009 zaso dospołna. Foto: Alfons Handrik

Nimo cyrkwjow su tež farske domy něme swědki stawiznow. Ze swojej lětnjej seriju so po serbskich a dwurěčnych­ katolskich­ a ewangelskich wosadach rozhladujemy a předstajamy někotre fary – dźensa Njeswačansku.

Móžemy z toho wuchadźeć, zo je hižo w zažnym 14. lětstotku w Njeswačidle stała kapałka, kotraž bu wot Hodźija zastarana. Wěste pak je, zo bě tam w lěće 1324 Boži dom. Hačrunjež so w srjedźowěku wosebje tež Hodźijski a pozdźiši Chróšćanski farar Jan Jurij Temler wo to prócowaše, zo njeby w Njeswačidle k reformaciji dóšło, bě lěta 1559 Pětr Pelck posledni katolski a na to Joachim Beltin prěni ewangelski farar. Třicećilětnu wójnu je cyrkej bjez wobškodźenjow přetrała. Wot lěta 1644 skutkowaše w njej z Wojerec pochadźacy Daniel Prätorius jako farar. Za jeho čas su cyrkej a šulu wobnowili a powjetšili. Farski dom natwarichu 1646. Kónc 17. lětstotka dósta cyrkej nowu, 50 metrow wysoku wěžu.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND