Napohlad města polěpšić

štwórtk, 27. awgusta 2015
artikl hódnoćić
(0 )

We Wojerecach bydlenja zaměrnje torhaja a saněruja

Wojerecy (AK/SN). We Wojerowskim nowym měsće dyrbja so ludźo na to nastajić, zo tam dale bydlenja wottorhaja. Tole podšmórny jednaćelka bydlenjo­twar­skeje towaršnosće Margitta Faßl na posedźenju měšćanskeje rady. „Wot lěta 1996 hač donětka smy 5 862 bydlenjow wotstronili. Zdźěla su so cyłe bydlenske kompleksy zhubili“, wona rozłoži.

Bydlenja pak jenož njewottorhaja, zo bychu so zminyli, ale tež zo by so měšćanski napohlad polěpšił a wjetšu wahu dóstał. „Při swojim załoženju lěta 1991 mějachmy dwaj problemaj“, Margitta Faßl rozłoži, „na jednym boku bě hoberski wobjim ponowjenja trěbny, na tamnym bě wjele bydlenjow prózdnych, dokelž běchu ludźo přećahnyli.“ Wot toho časa inwestowachu 450 milionow eurow do saněrowanja. Něhdźe połojca bydlenjow w zamołwitosći bydlenjotwarskeje towaršnosće je dźensa dospołnje saněrowana, tamna połojca znajmjeńša zdźěla.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND