Dowol ze zwěrjatami a w „poolu“

pjatk, 28. awgusta 2015
artikl hódnoćić
(0 )
Při horcym wjedrje dyrbiš sej pomhać wědźeć. Potom móžeš tež wotpadkowe sudobjo  na swimmingpool změnić.  Foto: Grit Wićazowa Při horcym wjedrje dyrbiš sej pomhać wědźeć. Potom móžeš tež wotpadkowe sudobjo na swimmingpool změnić. Foto: Grit Wićazowa

Zo móža dowolowe wobrazy našich čitarjow zawěrno na jara wšelakore wašnje nastać, dopokazujetej dźensnišej přikładaj, kotrejž smy minjene dny do redakcije připósłanej dóstali. Tak je Bjedrichec swójba z Njebjelčic lětsa w Eifeli była a sej tam mjez druhim w městačku Daun njedaloko Bonna dźiwiznowy a dožiwjenski park wobhladała. Wosebite dožiwjenje bě to dźowce Tadeji, kotraž ma zwěrjata jara rady. Za nju najrjeńše bě, jako­ smědźeše sej wulkeho rubježneho ptaka na ruku sadźić dać (pódla).

Nic w cuzbje, ale na zahrodźe pola dźěda w Grodku je nastał wobraz Wićazec swójby z Budyšina. Dokelž běchu dny tak horce a swimmingpool hišće njesteješe, napjelni dźěd cyle jednorje wotpadkowe sudobjo za papjeru z chłódnej wodu ze studnje.­ Njetraješe dołho a ­Yaven, Wayan a Sevon móžachu so ­wochłódźić. Tona drje njebě runjewon wulka, dosa­haše pak wšitkim třom naraz (deleka).

wozjewjene w: Łužica

Galerija

dalši wobraz (1) Ptaka sej na ruku sadźić dać bě Tadeji Bjedrichec wosebite dožiwjenje. Foto: Franciska Bjedrichowa
Prošu přizjewće so, chceće-li komentar podać

Serbska debata

nowostki LND