Trjebin (AK/SN). Přichod brunicoweje sparty energijoweho koncerna Vattenfall je dale wotewrjeny. „Po wuprajenju předewzaća lětsa k žanomu rozsudej njedóńdźe. Hišće njejsu žane poskitki zajimcow dóšli“, rjekny Trjebinska wjesnjanostka Kerstin Antonius (Trjebinske wolerske zjednoćenstwo) na posedźenju gmejnskeje rady. Hišće před tydźenjemi bě koncern rozsud hač do kónca lěta připowědźił.