Krótkopowěsće (08.09.15)

wutora, 08. septembera 2015
artikl hódnoćić
(0 )

Nowe třělby za wójsko

Berlin. Standardna mašinska třělba Zwjazkoweje wobory G36 budźe wumustrowana. Za nju chcedźa nowu bróń wobstarać, zakitowanska ministerka Ursula von der Leyen (CDU) dźensa po rozmołwje z wojerskim nawodnistwom wójska w Berlinje připowědźi. Po 20 lětach chcedźa „nowu generaciju třělbow“ zasadźić. Nadawk za to ma so wupisać.

Hospodarstwo spěšnišo rosće

Luxemburg. Hospodarstwo krajow europasma­ je so prěnje poł lěta lěpje wuwiło­ hač wočakowane. Nutřkokrajny bruttoprodukt wšitkich 19 krajow, w kotrychž­ płaća z eurom, je přerěznje wo 0,4 procenty přiběrało, kaž statistiski zarjad Eurostat zdźěla. Fachowcy běchu 0,3 procenty wočakowali. Španiska ma z jednym procentom wosebje sylny rozrost, Němska přińdźe na 0,4 procenty.

Miliony kopańcu hladali

Hannover. Kwalifikaciska hra němskeho narodneho koparskeho mustwa přećiwo Šotiskej je wčera hobersku ličbu přihladowarjow zajimowała. Nimale dwanaće milionow ludźi w přerězku je dobyće 3:2 chowancow trenarja Joachima Löwa w Glasgowje přećiwo Šotam na sćelaku RTL widźało.

wozjewjene w: Krótkopowěsće
Prošu přizjewće so, chceće-li komentar podać

Serbska debata

nowostki LND