Nadawki krok po kroku rozdawaja
Kubšicy (CK/SN). K wotstronjenju škodow wulkeje wody 2013 da Kubšiska gmejna nětko dróhu Při Albrechtowce w Jenkecach sporjedźeć. Tam bě po słowach wjesnjanosty Olafa Teicherta (njestronjan) k škodam dóšło, dokelž njebě wotwodźenje wody zaručene. Nětko chcedźa za 19 200 eurow asfalt a gulije sporjadkować. Pjenjezy dóstanu ze spěchowanskich horncow Sakskeje. Twarski nadawk přepodachu na wčerawšim posedźenju gmejnskeje rady Delnjokinjanskemu twarskemu zawodej.