Saněruja šulski muzej

pjatk, 25. septembera 2015
artikl hódnoćić
(0 )

Wo spěchowanskich srědkach budźe hakle kónc oktobra rozsudźene

Malešecy (CK/SN). Za dohromady 231 000 eurow chce Malešanska gmejna Stróžanski šulski muzej „Korla Awgust Kocor“ saněrować. Kaž nawoda infrastrukturneho zarjada gmejny Erik Wilde tele dny gmejnskim radźićelam rozłoži, ma so ponowjenje w třoch wotrězkach zwoprawdźić.

Jako prěnje nastanu nowy zachod a nuzniki, kotrež móža tež zbrašeni wužiwać. Nimo toho je nowe tepjenje planowane, přetož tajke tuchwilu pobrachuje, Eric Wilde wuswětli. Hakle z tepjenjom hodźi so muzej cyłe lěto wužiwać, štož móhło wjace wopytowarjow přiwabić. Za prěni twarski wotrězk planuja 80 000 eurow. W tamnymaj wotrězkomaj ma so na přikład horni poschod wutwarić, hdźež chcedźa posedźensku rumnosć zarjadować.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND