Kak nětko dale?

pjatk, 25. septembera 2015
artikl hódnoćić
(0 )

Budyšin (SN). Zastupowacy krajny rada Budyskeho wokrjesa Steffen Domschke złoži zastojnstwo. Hižo kónc septembra skónči so jeho słužbny čas w Budyskim krajnoradnym zarjedźe. Wokrjesny sejmik bě nětko 62lětneho w lěće 2008 na sydo­m lět za prěnjeho přirjadnika wuzwolił. To je po krajnym radźe druhe najwyše zastojnstwo wokrjesa. W tutej poziciji bě Domschke za financy, šule, dróhotwar kaž tež za zaměstnjenje požadarjow azyla zamołwity. Do wokrjesneje reformy w lěće 2008 wukonješe wón mjenowanu funkciju hižo w Kamjenskim wokrjesnym zarjedźe jako přirjadnik krajneje radźićelki Petry Kockert.

W zwonkastejacych zbudźa krótkodobny kónc słužby Domschki zamylenje. Móžno pak je, zo zwisuje jeho wotchad ze zasadnym přerjadowanjom nawodnych płonin w krajnoradnym zarjedźe. Nowy koncept, kotryž ma hižo 1. januara 2016 płaćiwosće nabyć, chcedźa na přichodnym posedźenju wokrjesneho sejmika předstajić. Z pjeć wobłukow zamołwitosće, kotrymž přirjadnik krajneho rady­ předsteji, maja tři nastać. Městno Steffena Domschki so znowa wupisa.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND