Piwarnja 75lětne wobstaće swjećiła

póndźela, 28. septembera 2015
artikl hódnoćić
(0 )
Tillej Baumhauerej (nalěwo) a Willijej Schmidej z Drježdźan piwo słodźeše, kotrež bě jim piwarc Cornelius Sćapan (srjedźa) natočił. Foto: Měrćin Weclich Tillej Baumhauerej (nalěwo) a Willijej Schmidej z Drježdźan piwo słodźeše, kotrež bě jim piwarc Cornelius Sćapan (srjedźa) natočił. Foto: Měrćin Weclich

Kulow (SN/mwe). 24. króć wotměchu Kulowčenjo a mnozy hosćo z wokolnych wsow a samo z Drježdźan wot pjatka do wčerawšeho na dworje Kulowskeje Glaabec piwarnje swój lětuši piwarski swjedźeń. „Je wažne, zo ke kupcam wuski zwisk wudźeržujemy“, rjekny jednaćel Stephan Glaab. W lěće 2009 bě wón zastojnstwo wot swojeho nana přewzał.

Tuchwilu dźěła w firmje 20 ludźi, mjez nimi někotři, kotřiž prawi­dłownje wupomhaja. Glaabec piwarnja ma dwanaće družin piwow na wuběr, w běhu lěta pjelnja tam něhdźe 15 000 hektolitrow woblubowaneje chmjeloweje brěčki do blešow a sudow. We wobkruhu něhdźe 30 kilometrow je předawaja. Najpožadaniše je ze 60 procentami Kulowske pilsenske. Po Pančičanskim klóšterskim recepće a wotpowědnej licency warja tam tohorunja klóšterske specialne a klóšterske ćmowe. Prawidłownje wobdźěla so Kulowska piwarnja hromadźe z dalšimi 220 piwarnjemi Němskeje na kwalitnych wubědźowanjach, hdźež je sej wospjet kwalitny pječat zaručiła.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND