Budyšin (UM/SN). Wokrjes Budyšin swój dwójny hospodarski plan za lěće 2015 a 2016 zaměrnje zwoprawdźa. Kaž pokładnik Jörg Szewczyk póndźelu wokrjesnym radźićelam zdźěli, liča z minusom 2,4 milionow eurow, planowali běchu z deficitom 5,7 milionow eurow. Wulkeje dynamiki nastupajo hoberske poćeženje při zaměstnjenju ćěkancow a požadarjow azyla dla pak móže so prognoza kóždy čas měnjeć. Runje při zaměstnjenju ćěkancow měli z wjace wudawkami ličić. Tuchwilu pak njehodźa so wone w cyfrach zwuraznić, rěkaše w rozprawje.