Přiroda wuruna a bohaće wobdarja

póndźela, 12. oktobera 2015
artikl hódnoćić
(0 )
K zahajenju domchowanki prezentowachu Tobias Kockert, Kristina Schmidt a Joseph Klant (wotlěwa) nowy kermušny twarožk.  Foto: Andreas Kirschke K zahajenju domchowanki prezentowachu Tobias Kockert, Kristina Schmidt a Joseph Klant (wotlěwa) nowy kermušny twarožk. Foto: Andreas Kirschke

Koćina (AK/SN). Lětuša domchowanka w Koćinskim zawodźe Krabatowy mlokowy swět dopomina na domjace tworjenje hódnotow a na hódnotu wšědnych žiwidłow. Tole podšmórny Kulowski farar dr. Wolfgang Křesák sobotu k zaha­jenju kermušnych wikow. Wón njeprošeše jenož wo žohnowanje za ludźi a skót, ale tež wo sprawne wurunanje mjez wulkim nadbytkom na jednym boku a hłodom na swěće na tamnym.

Po tym zo přewjedźechu składnostnje Kulowskeje kermuše hižo pjatk nakupowanski wječor w měsće, wobdźěli so sobotu wjace hač 50 producentow, wikowarjow a rjemjeslnikow na domchowance. „Z wikami dźakujemy so za žně, runje tak pak dźakujemy so něhdźe 800 přenaje­rjam, kotřiž nam swoje pola přewostajeja. Je to najwjetši dźěl našich 2 700 hek­tarow ratarskeje płoniny“, podšmórny jednaćel Kulowskeho ratarskeho přede­wzaća MKH Tobias Kockert. Wón prašeše so za hódnotu dźensnišich žiwidłow. Za liter­ mloka dóstawaja plahowarjo dejkow jenož 25 centow, 40 centow by přiměrjene było. „W towaršnosći je nowe myslenje trěbne. Dyrbimy so prašeć, zwotkel žiwidła pochadźeja a nic jenož, kelko wone płaća“, Kockert napominaše.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND