Delnja Hórka (CS/SN). Atmosfera wosta měrna a konstruktiwna. To je hłowny facit wobydlerskeje zhromadźizny wčera wječor w Delnjej Hórce. Dźěše wo dom za požadarjow azyla, kotryž chcedźa w něhdyšim Parkowym hotelu na přemysłowej přestrjeni zarjadować. Kaž zastupjer wobhospodarjenskeje towaršnosće zdźěli, nabudźe wotpowědne zrěčenje 1. nowembra płaćiwosć. Prěni ćěkancy pak prawdźepodobnje hakle srjedź nowembra zaćahnu.