Njesměrne prócowanja trěbne

štwórtk, 05. nowembera 2015
artikl hódnoćić
(0 )

Budyšin (SN/at). Připowědźene bytostne powjetšenje ličby požadarjow azyla, kotřiž maja so w Budyskim wokrjesu zaměstnić, je wokrjesnemu zarjadnistwu runje tak kaž městam a gmejnam njesměrny nadawk. Wokrjesna strategija, tydźensce něhdźe sto ćěkancow přijimać, hižo njepłaći. To wuzběhny Budyski krajny rada Michael Harig (CDU) wutoru na nowinskej rozmołwje po forumje z wyšimi měšćanostami, měšćanostami a wjesnjanostami k prašenjam azyla a ćěkancow. Tam podšmórny Harig mysl solidarity. Wokrjesne zarjadnistwo je na zakładźe kluča 2,3 procentow wobydlerstwa jednotliwych komunow wobličiło, kelko požadarjow azyla měli wone zaměstnić. Hižo po tymle wobličenju by nimale 4 000 městnow pobrachowało. Sakske ministerstwo nutřkowneho pak je ličbu aktualizowało. Město sto ma wot januara tydźensce štyrista ćěkancow přińć. Wyšim měšćanostam, měšćanostam a wjesnjanostam Budyskeho wokrjesa bě tale informacija nastork, zo bychu so starosće do přichoda dla z listom na zwjazkowu kanclerku Angelu Merkel (CDU) wobroćili.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND