Gmejnski zwjazk móhł być kompromis – radźićeljo pak su skeptiscy
Pančicy-Kukow (SN/MWj). Gmejny zarjadniskeho zwjazka Při Klóšterskej wodźe wotpokazuja, zo ma jenož jedna z nich dóstać w regionalnym planje za planowanski region Hornja Łužica/Delnja Šleska status gmejny z wosebitej funkciju serbska rěč a kultura. Město toho měło so wšitkim pjeć gmejnam tónle status přizwolić. Tole je wuslědk wčerawšeho posedźenja zhromadźizny zarjadniskeho zwjazka w Pančicach-Kukowje. Při wothłosowanju běchu zastupjerjo Pančičansko-Kukowskeje a Njebjelčanskeje gmejny za tónle namjet, Chróšćanscy přećiwo tomu, Ralbičansko-Róžeńčanscy a Worklečanscy so hłosa wzdachu.