Krótkopowěsće (03.12.15)

štwórtk, 03. decembera 2015
artikl hódnoćić
(0 )

Madźarska skorži přećiwo EU

Budapest. Po Słowakskej chce tež Madźarska přećiwo planowanemu rozrjadowanju ćěkancow po krajach EU z pomocu kwoty skoržić. Wotpowědnu skóržbu chcychu hišće dźensa Europskemu sudnistwu zapodać, rjekny ministerski prezident Viktor Orbán w Budapesće. Słowakska je skóržbu hižo zapodała.

Zwučuja mobilizowanje armeje

Praha. Načolnik generalneho staba čěskeje armeje Josef Bečvář je zdźělił, zo chcedźa mechanizmy mobilizowanja wupruwować. Při tym maja so tež aktiwni rezerwisća do wójska zwołać. Jedna so wo prewentiwnu naprawu jako reakciju na aktualne problemy w zwisku z terorizmom a migraciskej žołmu, kaž čěske medije pisaja.

Myto Wojerowskemu frizerej

Drježdźany. Wojerowski frizerski salon „HaarSchneider“ je dobyćer lětušeho Drježdźanskeho marketingoweho myta. Salon je z poměrnje snadnym budgetom z kedźbyhódnymi akcijemi dobry rozrost docpěł, rěka we wopodstanjenju komisije­. Myto su wčera wječor w Drježdźanach přepodali. Za myto nominowany bě tež zawod za twar pjecow w Budyšinje.

wozjewjene w: Krótkopowěsće
Prošu přizjewće so, chceće-li komentar podać

Serbska debata

nowostki LND