W adwentnym času něchtóžkuli swoju dobroćiwu stronku wotkrywa, zo by druhim pomhał. Tole su tež dźěći a kubłarki Němčanskeje Witaj-pěstowarnje na wosebite wašnje nazhonili.
Němcy (JoN/SN). Njewšědny list ze Salzgittera je njedawno nawodnica Němčanskeje Witaj-pěstowarnje „Pumpot“ Diana Libšowa dóstała. W lisće předstaji so knjez Joachim Wecker, rodźeny 1935 w šleskim Liebenthalu. Wón rozprawješe wo podawku z dźěćatstwa, kotryž njemóže zabyć.