Z ćěkancami kemše swjećili

póndźela, 28. decembera 2015
artikl hódnoćić
(0 )
Wulke wjeselo mějachu prěni dźeń hód na nutrnosći w NSLDź tež holcy, ćěkanče z Libyskeje a Syriskeje, kotrež tuchwilu w Rózborku přebywaja.  Foto: Měrćin Weclich Wulke wjeselo mějachu prěni dźeń hód na nutrnosći w NSLDź tež holcy, ćěkanče z Libyskeje a Syriskeje, kotrež tuchwilu w Rózborku přebywaja. Foto: Měrćin Weclich

Budyska wosada Jozuwy w NSLDź njezapomnite hody organizowała

Budyšin (SN/mwe). Wjace hač 450 ćěkancow z cyłeho Budyskeho wokrjesa, mnozy měšćenjo a hosćo z wokolnych wsow su 25. decembra do Budyskeho NSLDź přichwatali, zo bychu tam zhromadnje hodowne kemše swjećili. Přeprosyła je jich Budyska swobodna ewangelska wosada Jozuwy, kotraž hižo lěta jako po­wšitkownowužitne towarstwo w sprje­winym měsće skutkuje a kotrejež zakład twori ewangelske wěrywuznaće.

Hižo loni bě wosada w Budyskim Sprjewinym hotelu, hdźež su ćěkancy zaměstnjeni, tajku nutrnosć zarjadowała. Farar Clemens Mudrik Serbskim Nowinam praji, zo chcychu z lětušim hodownym zarjadowanjom, kotrež mjenowachu „Joy to the world – Radosć swětej“, zaměraj zwjazać. „Chcemy w Budyšinje witansku kulturu zesylnić, na čimž móža so wobydlerjo aktiwnje wobdźělić. Zdruha chcemy ćěkancam zbližić, čehodla hody swjećimy“, farar Mudrik podšmórny. Tole je wón mjez druhim tež w prědo­wanju prajił. Hesło rěkaše: „Bóh čini so mały a přińdźe jako čłowjek na swět, zo by nas přewodźał.

wozjewjene w: Socialne
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND