Zmandźelenja při jězoru

wutora, 05. januara 2016
artikl hódnoćić
(0 )

Wjace hač 22 000 ludźi turistisku informaciju wopytało

Hamor (AK/SN). Turistiska informacija při Hamorskim pobrjohu Bjerwałdskeho jězora je dźeń a woblubowaniša. Tole podšmórny Hamorski wjesnjanosta Achim Junker (CDU) na zašłym posedźenju tamnišeje gmejnskeje rady. Po wotewrjenju w juniju 2014 ­witachu tam dotal wjace hač 22 000 wopytowarjow. Jeničce w lońšej sezonje je so 11 700 ludźi wo kulturnych a turistiskich poskitkach wobhoniło. To bě wjace hač w cyłej sezonje 2014. „W turistiskej informaciji njeposrědkuja jeničce přenocowanske móžnosće w hotelach a pensijach kołowokoło jězora, ale předawaja tež najwšelakoriše suweněry a zastupne lisćiki za zarjadowanja“, wjesnjanosta rozłoži. „Wjeselimy so tohorunja nad tójšto zbožownymi porami, kotrež su so loni před rjanej kulisu jězora zmandźelili.“ Najdalši puć měješe porik z Argentinskeje, kiž wopyta Bjerwałdski jězor we wobłuku jězby po Němskej. W nowembru su před turistiskej informaciju pućik wot parkowanišća připrawili a tak tomu zadźěwali, zo dyrbja ludźo přez trawnik chodźić, rjekny Junker.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND