Angažowani wjesnjenjo znowa nowolowětne pućowanje přewjedli
Róžant (jh/SN). Mjez wulkimaj dubomaj wisachu wjacore plany na dołhimaj powjazomaj, transporteraj skićeštej dalši škit před wětřikom, na njewšědnej hałzowej konstrukciji pražachu so nad wulkim wohenjom rjebleška dźiwiny a we wulkim kotole warješe so poliwka z mjasom dźiwiny.
Wobraz to, kotryž so wobdźělnikam třećeho nowolětneho pućowanja Róžeńčanskich młodych swójbow prěnju njedźelu 2016 při Starym haće mjez Pěskecami a Smjerdźacej skićeše. Wupadaše kaž pola nomadow abo wandrowskich, kotřiž bjez kruteho bydlenja abo doma po swěće ćahaja a tu a tam pozastawaja.