Studnje w srjedźišću diskusije

srjeda, 20. januara 2016
artikl hódnoćić
(0 )

Wotstronić škody w Njeswačanskim hrodowym parku, zawinowane přez wulku­ wodu před třomi lětami, bě jedna z hłowych temow na wčerawšim posedźenju Njeswačanskeje gmejnskeje­ rady.

Njeswačidło (aha/SN). Z kotrej techniku měli so studnje Njeswačanskeho hrodoweho parka wuhotować, mějachu gmejnscy radźićeljo wčera rozsudźić. Po přizwolenju spěchowanskich srědkow běchu nadawk za wuhotowanje postawow z wodowej techniku wupisali a sydom poskitkow dóstali. Najlěpši bě tón zawoda Schreier z durinskeho Nermsdorfa we wobjimje 55 416 eurow. Poměrnje wulkeje sumy dla chcyše wjesnjanosta Gerd Schuster (CDU) dalše poskitki měć. Na wčerawšej zhromadźiznje přednjese tuž Ingo Jeschke z Drježdźanskeje firmy Grundmann swój wo něšto tuńši poskitk. Město jedneje centralneje 2,2 kilowattaj sylneje klumpy bychu do kóždeje studnje zatwarili mału, kotraž jeničce 0,36 kilowattow miliny trjeba. To wo­znamjenja, zo móhli w lětnich měsacach a při wšědnym wužiwanju wosom hodźin 600 do 800 eurow wob lěto zalutować. Tele klumpy tež dale dźěłaja, hdyž woda wot 40 na 20 centimetrow spadnje.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND