Zhorjelc (AK/SN). Deficit něhdźe 6,5 milionow eurow etat Zhorjelskeho wokrjesa lětsa poćežuje. Hač do kónca lěta pak chcedźa jón na 4,5 milionow eurow pomjeńšić a hač do lěta 2019 wurunany měć, komornik wokrjesa Thomas Gampe na wčerawšej nowinarskej konferency w Zhorjelcu připowědźi. Krajny rada Bernd Lange (CDU) skedźbni w tym zwisku na raznje zwyšene wudawki wokrjesa w socialnym a młodźinskim wobłuku kaž tež na polu wuchowanskeje słužby. Na tamnym boku připokazanki Swobodneho stata Sakskeje woteběraja.