Zabawne zymske zetkanje

póndźela, 08. februara 2016
artikl hódnoćić
(0 )
Čłon Ralbičanskeje wohnjoweje wobory Měrćin Zarjenk minjeny pjatk sobu na to kedźbowaše, zo so při palenju štomikow ničo stało njeby.  Foto: Alfons Handrik Čłon Ralbičanskeje wohnjoweje wobory Měrćin Zarjenk minjeny pjatk sobu na to kedźbowaše, zo so při palenju štomikow ničo stało njeby. Foto: Alfons Handrik

Ralbicy (aha/SN). W Ralbicach je z rjanej tradiciju, zo po 2. februaru – po swjedźenju předstajenju Knjeza wšak so hodowny čas skónči – božodźěsćowe štomy pala. Zamołwitosć za tónle woblubowany podawk je přewzała tamniša dobrowólna wohnjowa wobora ze swojimi 26 kameradami pod nawodom Achima Měrćinka.

„Hačkuli je kredo kóždeje wobory, wohenjej zadźěwać, je mjeztym tak, zo je so kontrolowane spalenje štomikow pola nas stało z přićahliwym małym swjedźenjom“, wón měnješe. Termin je w Ralbicach mjeztym wšěm tohodla znaty, dokelž ma so hodowna pycha z wosadneje cyrkwje zhubić. Su to dwaj něhdźe wosom metrow wulkej štomaj z wołtanišća, dalšej něšto mjeńšej z pobočneju wołtarkow a dale wjacore małe a k tomu znajmjeńša 40 z Ralbičanskich domjacnosćow, potajkim cyłkownje to nahladna hromada. Wjacore hodźiny aktiwni čłonojo Ralbičanskeje wobory štomiki wohenjej přewostajejo do płomjenjow mjetachu.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND