Serbska přirada skonstituowana a dźěłakmana

póndźela, 15. februara 2016
artikl hódnoćić
(0 )

Zhorjelc/Slepo (SN/at). Přirada za serbske naležnosće wokrjesa Zhorjelc je so minjenu srjedu w Serbskim kulturnym centrumje Slepo skonstituowała. Kaž zamołwity za serbske naležnosće Zhorjelskeho wokrjesa Manfred Hermaš zdźěli, su čłonojo přirady w zjawnym wothłosowanju wokrjesnu radźićelku Franzisku Schubert (Zwjazk 90/Zeleni) za předsydku wuzwolili. „Wona je jako zapósłanča Sakskeho krajneho sejma zdobom rěčnica swojeje frakcije za naležnosće našeho ludu. Je tuž spomóžne, zo našej přiradźe předsydari“, měni serbski wo­krjesny radźićel Měrćin Nowak (CDU) z Lubija, kotremuž dowěrichu zastojnstwo naměstnika. Zestawu gremija wudospołnjataj wokrjesny radźićel a wjesnjanosta Dźěwina Helmut Krautz (SPD) a Wolfgang Kotisek z Brězowki jako wěcywustojny wobydler.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND