Jasne stejišćo

srjeda, 24. februara 2016
artikl hódnoćić
(0 )

Budyšin (SN). Zwjazkarstwo „Budyšin wostanje pisany“ sadźi z nowej akciju jasne znamjo. Jeje hesło rěka „Budyšin přećiwo zapalerjam“. Z dwurěčnej namołwu přeprosy zwjazkarstwo jutře, 25. februara, wšitkich wobydlerjow sprjewineho města a wokoliny na Móst měra. Po puću z města won wotměje so tam wot 17 do 19 hodź. fotowa a plakatowa akcija. Na njej móža so wšitcy zajimcy wobdźělić. „Jako Budyšenjo chcemy tak znamjo za cyły swět sadźić, přećiwo namocy a za swětej wotewrjene město“, rěka w nowinarskej zdźělence. Wšitcy su tež namołwjeni plakaty sobu přinjesć a na nich swoje měnjenje, začuća a přeća zwuraznić. Z plakatami a ze staroměšćanskej kulisu w pozadku so ludźo fotografuja a zo so we wšelakich medijach wozjewi.

Budyski wyši měšćanosta Alexandrer Ahrens (njestronjan) je na wšelkich telewizijnych sćelakach jasne stejišćo přećiwo hidźe cuzym napřećo zabrał. „Nětko runje“, wón rjekny. W dźensnišim rańšim wusyłanju ARD kaž tež zašłu nóc w ZDF pola Markusa Lanza wón rjekny, zo chce město nětko hišće bóle z wokrjesom za ćěkancow dźěłać.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND