Iniciatiwa so gmejnskim radźićelam předstaji

srjeda, 02. měrca 2016
artikl hódnoćić
(0 )
Pančicy-Kukow (SN). Gmejnska rada Pančicy-Kukow přewjedźe jutře, 3. měrca, zjawne posedźenje. Wone započnje w 19 hodź. w awli Šule Ćišinskeho. Radźićelow wo załoženju demokratiskeho legitimowaneho zastupnistwa Serbow informować chcetaj dr. Měrćin Wałda a Tomaš Čornak. Dalše temy posedźenja su zakónčenje planoweho dojednanja z gmejnu Porchow k změnje gmejnskeje přestrjenje, twarske naležnosće, směrnicy wo spěchowanju komunalneho dróho- a mostotwarstwa kaž tež zaměrowe dojednanje z městom Kinsporkom wo spjelnjenju nadawkow zarjadniskeho zwjazka Při Klóšterskej wodźe we wobłuku EDV. Wobjednawane budu dale zrěčenje wo wužiwanju sportoweje hale přez ST Marijinu hwězdu, pjenježne dary, informacije wjesnjanosty. Wobydlerjo smědźa so tohorunja naprašować. Zajimcy su wutrobnje přeprošeni.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND