Wokrjes wutwarja šule a dróhi

póndźela, 07. měrca 2016
artikl hódnoćić
(0 )

Zhorjelc (AK/SN). Nimale 20 milionow eurow chce Zhorjelski wokrjes lětsa za šule, dróhi, kolesowarske šćežki a nakup ležownosćow nałožić. Tole zdźěli Werner Genau, decernent za porjad, twarstwo a škit před katastrofami, tele dny medijam. Na wšě 7,9 milionow inwestuja do twarskich objektow. Za ponowjenje dróhow, kolesowanskich šćežkow a naměstow trjebaja 11,4 miliony eurow. Zo móhł dróhotwarski zarjad trěbne ležownosće kupić, su 600 000 eurow zapla­nowali. Mjez druhim ma na Lubijskim Gymnaziju bratra a sotry Scholl lětsa nowa­ sportowa hala nastać. Naprawa płaći 5,7 milionow eurow.

wozjewjene w: Lokalka
Prošu přizjewće so, chceće-li komentar podać

nawěšk

  • Katolscy wěriwi swjeća dźensa wysoki swjedźeń Božeho ćěła. W nimale wšitkich serbskich wosadach, kročachu procesiony, zwjetša přewodźane wot dujerjow, k wonkownym wołtarkam. Sobu na čole procesionow dźěše wjele serbskich družkow. Tójšto dalšich holco

nowostki LND