Nowy dom za požadarjow azyla z 215 městnami předstajili

Wojerecy (AK/SN). Jako wobhospodarjer noweho domu za požadarjow azyla na Wojerowskej Hasy Liselotty Herrmann chce Dźěłaćerske dobroćelstwo (AWO) wuske zwiski z wobydlerskim zwjazkom „Wojerecy pomhaja z wutrobu“ wudźeržować. Tole podšmórny jednaćel Torsten Ruban-Zeh wčera na dnju wotewrjenych duri. „Hišće w měrcu prěni wobydlerjo zaćahnu. Wočakujemy najprjedy raz 150 wosobow. Dohromady je městno za 215 ludźi“, wón rjekny. Wusko hromadźe dźěłać­ chcedźa mjez druhim z powołanskošulskim centrumom Konrada Zusy. W dźělu jeho twarjenjow je dom za požadarjow azyla zaměstnjeny.