Ralbicy (aha/SN). Kóždolětnje přiběracy zajim za serbske křižerske procesiony woznamjenja, zo jutrowničku tež wobchad na dróhach přiběra. Byrnjež so ­policija tón dźeń wo porjad a wěstotu starała, su na mnohich městnach, hdźež křižerjo wot- a přijěchaja, dalši čestnohamtscy pomocnicy trěbni. W Ralbicach běštaj to ze Šunowa pochadźaca 61lětna Gudrun Clausowa a 69lětny Jurij Šewc. Wonaj běštaj wjesnjanosće gmejny ­Ralbicy-Róžant Hubertusej Ryćerjej (CDU) zwurazniłoj, zo staj zwólniwaj pomhać. Tak je gmejnski dźěłaćer Pětr Kokla z nimaj nadrobnosće zasadźenja rozrěčał.