Dale po puću předchadnika

wutora, 19. apryla 2016
artikl hódnoćić
(0 )
 Nowy wjesnjanosta gmejny Dobruša-Huska Alexander Fischer před ponowjenym křižom w Hrubjelčicach.  Foto: Carmen Schumann Nowy wjesnjanosta gmejny Dobruša-Huska Alexander Fischer před ponowjenym křižom w Hrubjelčicach. Foto: Carmen Schumann

1. junija nastupi Alexander Fischer (CDU) swoje zastojnstwo jako nowy wjesnjanosta gmejny Dobruša-Huska. Při tym nje­trjeba ani swoje dźěłowe městno změnić. Dobrych pjeć lět je Dobrušan w gmejnskim zarjadnistwje hižo wěcywobdźěłar za twarstwo a ležownosće. Zo su jemu wobydlerjo při prěnich wólbach runje tak dowěru wuprajili kaž při druhich, jeho wulce zwjesela. Dokelž je Alexander Fischer ze swojej domiznu wusko zwjazany, ma wón za wulke zbožo, zo su jeho po studiju krajinoweje architektury a po někotrych lětach jako wědomostny sobudźěłaćer Drježdźanskeje techniskeje uniwersity a po skutkowanju jako poradźowar krajneho kuratorija za wjesny rum w ródnej gmejnje trjebali.

Wulki narok 41lětneho je, zo wobydlerjo w gmejnje wostanu a zo nowi sem přićahnu. Po jeho měnjenju su wuměnjenja za to dobre. Tohodla chce wón po puću swojeho předchadnika Michaela Schulzy dale kročić. Jedyn z wažnych nadawkow budźe nowe twarske ležownosće wotkryć. Hušćanska sportownja, kotraž dyrbi so energetisce saněrować, steji runje tak na programje.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND