„Kopornik“ na Budyskim nalěću

pjatk, 13. meje 2016
artikl hódnoćić
(0 )

Budyšin (CS/SN). Na 1014. Budyskim nalěću wot 27. do 29. meje dožiwja wopytowarjo wjace hač 820 sobuskutkowacych w 65 skupinach na jewišćach Hłowneho torhošća, Žitnych kaž tež Mjasowych wikow. Po dlěšej přestawce budźe prěni raz zaso Serbski ludowy ansambl pódla, kotryž předstaji sobotu na Žitnych wikach swój serbski program z hudźbu a rejemi do nalěća.

Wosebje poručić chce Andreas Hennig z měšćanskeho kulturneho zarjada a šef­organizator swjedźenja hosćom młode jazzowe a rockowe duwo Kopornik z Budyšina, kotrež k wulkim nadźijam woprawnja. Wenzel Konjen za bijadłami a Judith Kellner na saksofonje hrajetaj sobotu wječor na Mjasowych wikach. Dobreho wothłosa w minjenymaj lětomaj dla přewjedu nětko třeći raz wječor elektroniskeje hudźby, a to pjatk na Butrowych wikach. Z kapału Jolly Jumper, Thomasom Stelzerom a jeho hudźbni­kami, su znowa klasikarjo zastupjeni, kotřiž­ na žanym Budyskim nalěću pobrachować njesmědźa. Na swoje kóšty pak přińdu tohorunja fanojo šlagra, tanga a salsy. Show kubaskich salsa-rejwarjow budźe njedźelu wječor zdobom zakónčenje měšćanskeho swjedźenja.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND