Serbscy dorosćacy witani poručenje

wutora, 21. měrca 2017
artikl hódnoćić
(0 )

Winfriedowy dom wostanje srjedźišćo katolskeje młodźiny

Worklecy (SN/mwe). 42 młodostnych a přewodźerjow ze serbskich katolskich wosadow přebywaše minjeny kónc tydźenja na kubłanskich dnjach w Schmiedebergskim Winfriedowym domje. Pod hesłom „Mój puć do njebjes“ bě dekanatne dušepastyrstwo – z běrowom we Worklecach – za 14- do 23lětnych wot pjatka do njedźele přewšo wotměnjawy program zestajało. „Młodostni su dźakowni, zo móžachu tež prašenja, kaž k wotehnaću dźěsća abo k měšniskej słužbje a wjele dalšim za nich zajimawym temam, stajeć“, rjekny Lucija Škodźina, w dekanatnym dušepastyrstwje zamołwita referentka za młodźinske dźěło. Witać móžachu holcy a hólcy w swojej srjedźiznje młodźinskeho dušepastyrja, fararja Gabriša Nawku, a diakona Floriana Mróza, z kotrymajž so kubłanskej temje wěnowachu. „Wšěm so we Winfriedowym domje jara lubješe, tež serbscy młodostni su tam přeco rady witani“, Lucija Škodźina podšmórny. „Móžeš w domje přeco někoho narěčeć, kiž je přebywacym poboku. Rumnostne wuměnjenja za skupinske dźěło su wuběrne.

wozjewjene w: Socialne
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND