W chorowni nětko tež krótkodobne hladanje móžne

pjatk, 30. junija 2017
artikl hódnoćić
(0 )
Sobudźěłaćerki Kamjenskeje chorownje su tam wutoru nowe móžnosće krótkodobneho hladanja předstajili a rozłožili.  Foto: Bernd Goldammer Sobudźěłaćerki Kamjenskeje chorownje su tam wutoru nowe móžnosće krótkodobneho hladanja předstajili a rozłožili. Foto: Bernd Goldammer

Kamjenc (BG/SN). Wot spočatka julija poskići Kamjenska chorownja maltezow swj. Jana stacionarne hladanske městna na krótki čas. We wobłuku dnja wote­wrjenych duri su zajimcam wutoru tónle nowy poskitk, wopřijacy dwaceći městnow, předstajili. ­„Zastaranje w chorowni maltezow so tak wo wažnu komponentu rozšěri“, rjekny jednaćel za medicinu a hladanje němskich maltezow dr. Franz hrabja von Harnoncourt.

Přitomny bě tohorunja překupski direktor maltezow za Saksku a Braniborsku Florian Rupp, jako sej něhdźe 80 ludźi nowe móžnosće wobhlada. Nad nimi wjeseleše so tohorunja zastupowacy Kamjenski wyši měšćanosta Jörg Bäuerle. To woznamjenja lěpšu žiwjensku kwalitu za tych, kotřiž su hladanja potrěbni, ale tež za tych, kotřiž jich hladaja.

Wot sobudźěłaćerjow krótkodobneho hladanja chcychu wopytowarjo mjez druhim wědźeć, kajke su dnjowe wotběhi a kotre móžnosće terapije Kamjenska chorownja skići. Za to maja na přikład fyzioterapeutiske­ a ergoterapeutiske móžnosće runje tak kaž socialnu słužbu.

wozjewjene w: Socialne
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Sobotu, 17. febraura,  měješe lětuša inscenacija „Paradiz w dobrej stwě“ Němsko-Serbskeho ludoweho dźiwadła na hłownym jewišću w Budyšinje premjeru. Tule podawamy wam někotre fotowe impresije z přemjerneho předstajenja a z premjerneho swjedźenja. Při

nowostki LND