Z dobyćomaj do noweje wučerskeje wolejbuloweje sezony

wutora, 20. nowembera 2018
artikl hódnoćić
(0 )
 Pedagogojo-wolejbulisća Serbskeho gymnazija Budyšin zahajichu w Lubiju 52. sezonu wučerskeje ligi Budyskeho wokrjesa z dobyćomaj přećiwo Wyšej šuli Malešecy a kombinowanemu cyłkej Melanchthonowy gymnazij/5. SŠ-eks Budyšin .  Foto: Měrko Korjeńk Pedagogojo-wolejbulisća Serbskeho gymnazija Budyšin zahajichu w Lubiju 52. sezonu wučerskeje ligi Budyskeho wokrjesa z dobyćomaj přećiwo Wyšej šuli Malešecy a kombinowanemu cyłkej Melanchthonowy gymnazij/5. SŠ-eks Budyšin . Foto: Měrko Korjeńk

Tabulka po prěnim hrajnym dnju

1. Powołanska šula

za zežiwjenje Budyšin     4 4:0 

2.  Pestalozzijowa wyša šula Lubij   4  4:0 

3. Serbski gymnazij Budyšin    4 4:2 

4. Wyša šula Malešecy    0 1:4 

5.  Melanchthonowy gymnazij/

5. SŠ-eks Budyšin    0 1:4 

6. Wyša šula Wjazońca    0 0:4


Wučerjo-wolejbulisća Serbskeho gymnazija Budyšin (SGB) su 52. sezonu wokrjesnych mišterstwow při wysokim saku z dobyćomaj zahajili. Woni steja tuchwilnje na třećim městnje tabulki šěsć startowacych šulow, a to hač k druhemu hrajnemu dnjej, kotryž pak budźe­ hakle w měrcu 2019.

Po zakónčenju 51. sezony wokrjesnych mišterstwow pedagogow we wolejbulu w meji je so znowa šěsć cyłkow na prěnim hrajnym dnju w Lubiju wubědźo­wało. Hłowny organizator turněra, sportowy wučer SGB Měrko Korjeńk, powita w sportowni Lubijskeje Pestalozzijoweje šule cyłkownje 38 muskich a žónskich kolegow, mjez nimi dweju nowačkow. Na třoch hrajnišćach zahajichu zahorići sportowcy najdlěje eksistowacy wolejbulowy turněr Sakskeje. A kaž hižo loni hrajachu wšitcy akterojo bjez sudnika, štož je chwalbyhódne.

wozjewjene w: Sport
Prošu přizjewće so, chceće-li komentar podać

Serbska debata

nowostki LND