Wospjet dypki přećiwnikej darili

pjatk, 30. nowembera 2018
artikl hódnoćić
(0 )

Pinca tabulki regionalneje ligi

14. VfB Auerbach 17 18 : 27 19

15. HŁ Neugersdorf 17 18 : 29 19

16. Budissa Budyšin 17 11 : 25 18

17. ZFC Meuselwitz 17 27 : 37 16

18. Optik Rathenow 17 15 : 35 9


ZFC Meuselwitz

– FSV Budissa Budyšin 2:0 (0:0)

Zestawa hosći: Schulz – Bär (86. Dartsch), Patka, Hoßmang, Kral, Krawčik (65. Treu), Ciapa, Wockatz (79. Langr), Schlicht, Bönisch, Schmidt

Na poslednim hrajnym dnju prěnjeje połserije dyrbješe Budissa w Meuselwitzu nastupić. Předposledni tabulki bě zašłe pjeć hrow přěhrał a dyrbješe wšo spytać, zo by Budyšanow porazył. W Bluechip-arenje měješe tež duel wot prěnjeje sekundy w rukomaj, a hosćo dyrbjachu swoje chětro škitać, jako widźeše 329 přihladowarjow nadběh po nadběhu ZFCja. Naspomnjenjahódne wulkošansy pak njenastachu. Jeničku dobru móžnosć za Budyšanow měješe po konteru Kevin Bönisch, třělwa pak bu k róžkej wotwobarana, kotryž ničo njewunjese (32.). Prěnju wulku składnosć za Meuselwitz měješe Rintaro Yajima, ale Christopher Schulz třělwu wotwobara (34.). Wulkotnu paradu pokaza narunanski wrotar Budissy při wolejtřělwje Sebastiana Alberta (41.). Tak dźěše bjez wrotow do přestawki.

wozjewjene w: Sport
Prošu přizjewće so, chceće-li komentar podać

Serbska debata

nowostki LND