Njeswačidło (LR/SN). Swoju prěnju lětušu wustajeńcu je Njeswačanske Towarstwo přećelow kultury a domizny minjenu njedźelu ­popołdnju na wjesnym hrodźe w rjedźe mała galerija wotewrěło. 33lětna wuměłča Eva Gaeding pochadźa z Wjelećina a bydli nětko w Lipsku. Redaktor ­radijoweho sćelaka MDR Figaro Stefan Petraschewsky z Lipska předstaji mnohim zajimcam wuměłču a jeje wobrazy – a to z jadriwymi słowami. Ina Jäniche­n-Kucharska je ze swojim trijom wotewrjenje wustajeńcy hudźbnje wob­rubiła.