Awtor dźensa

Pětr Šołta

Nó, to drje je swjaty Bosćan jako patron sportowcow čěskim junioram spočatk lěta na swětowym mišterstwje w lodohokeju zaso raz palcy tłóčił, lube čitarki a lubi čitarjo. Štwórte lěto za sobu smědźachu Češa z medalju wokoło šije domoj jěć. Lětsa ze slěbornej, kaž hižo 2023. Mjeztym běše to dwójce bronzowa. W lětušim finalu su chowancy trenarja Patrika Augusty šwedskim junioram 2:4 podleželi. Mustwo Tre Kronor bě turněr bjez jeničkeje poražki dominowało a je po 14 lětach skónčnje zaso pokal dobyćerja w rukomaj dźeržało. Na tutón wokomik młodźi čěscy hokejisća U20 hižo 25 lět čakaja – a budu dale sćerpni wostać dyrbjeć.