Nowe mjeno za přemysłowu přestrjeń schwalili
Miłoćicy (aha/SN). Jednohłósnje wobzamknychu radźićeljo Njebjelčanskeje gmejny na swojim wčerawšim posedźenju w Miłočanskim socialnym twarjenju „Při žabje“, zo je trjeba pomjenowanje tamnišeje přemysłoweje přestrjenje z lěta 1993 změnić. Dokelž „Miłoćicy-cyhelnica“ hižo wjacore lěta aktualnemu wužiwanju njewotpowěduje, rěka nowe pomjenowanje wotnětka „Miłoćicy-industrijna a přemysłowa přestrjeń při Krabatowym kamjenju“.