W Chrósćicach na podawki před 70 lětami spominali
Chrósćicy (SN/JaW). Ani wětřik ani dešć njeje dźensa wulku syłu ludźi z Chrósćic a blišeje wokoliny kaž tež pólskich hosći wotdźeržał, wopominać pólskich wojakow, kotřiž běchu w Druhej swětowej wójnje padnyli. Cyłkownje nimale 200 ludźi, mjez nimi něhdźe 160 hosći z pólskich Żarow, Żaganja a Leśnicy – přitomni běchu tež někotři wójnscy weteranojo –, šulerki a šulerjo Chróšćanskeje zakładneje šule a wyšeju šulow z Worklec a Ralbic, Chróšćanski wjesnjanosta Maćij Brycka (CDU), předsyda Domowiny Dawid Statnik a městožupanka Kamjenskeje župy „Michał Hórnik“ Zala Cyžowa běchu k Fulkec hórce w Chrósćicach přišli.