Nihdy njesměmy zabyć

srjeda, 29. apryla 2015
artikl hódnoćić
(0 )
Zastupjer Żarowskeho měšćanskeho zarjadnistwa Edward Skobelski (nalěwo) přepoda wčera w Hórkach zastupjerjej Chróšćanskeje gmejny Markej Klimanej pomjatnu taflu za padłych pólskich wojakow  Druheje swětoweje wójny. Swoje městno ma tafla nětko při wjesny m křižu na Hórčanskej nawsy.  Foto: Feliks Haza Zastupjer Żarowskeho měšćanskeho zarjadnistwa Edward Skobelski (nalěwo) přepoda wčera w Hórkach zastupjerjej Chróšćanskeje gmejny Markej Klimanej pomjatnu taflu za padłych pólskich wojakow Druheje swětoweje wójny. Swoje městno ma tafla nětko při wjesny m křižu na Hórčanskej nawsy. Foto: Feliks Haza

Pomjatna tafla w Hórkach dopomina na struchłe podawki

Chrósćicy (SN/MiR). Chróšćanski wosadny farar Clemens Hrjehor witaše na wšě 160 pólskich hosći, kotřiž běchu wčera na počesćenje padłych pólskich wojakow 2. pólskeje armeje, 70 lět po surowych bitwach w Chrósćicach a wokolinje, při­šli­, do wosadneje cyrkwje. „Zo njeby hižo ženje k tajkim struchłym podawkam dóšło, mamy jednu móžnosć, a to so zhromadnje modlić“, wón rjekny. Božu mšu swjećeštaj sobu pólski duchowny An­drze­j Maciejewski a farar Daniel Dzikiewicz. „Smy našim hosćićelam jara dźakowni, zo nas lěto wob lěto z wulkej wotewrjenosću witaja. Tole je zakład spomnjeća a žarowanja wo žony a mužow, kotřiž su swoje žiwjenske plany a přeća za našu swobodu woprowali. A tole w zhromadnosći lěpje znjeseš“, zwurazni An­drzej Maciejewski w swojim prědowanju.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND