Sta topołow podrězali – statne rěčnistwo přepytuje

štwórtk, 30. apryla 2015
artikl hódnoćić
(0 )

Kubšicy (CK/SN). Najwótrišo zasudźiła je Kubšiska gmejnska rada akciju, kotraž pyta swojeho runjeća. Podłu murje při lětanišću Budyšin-Lětoń, kiž leži na terenje gmejny, je něchtó 394 topołow podrězać dał. Na wčerawšim posedźenju gmejnskeje rady pokazowaše wjesnjanosta Olaf Reichert (njestronjan) wobrazy „měsačkoweje krajiny“. Je njepředstajomne, kak su tam zachadźeli, wón rjekny. W druhich gmejnach wustawki wo škiće štomow předpisuja, zo maš dowolnosć měć, chceš-li štomy wěsteje wulkosće podrězać. W Kubšicach tajke wustawki nimaja. Gmejna tomu tež ženje přizwoliła njeby, praji wjesnjanosta. Götz E. Baier jako wobsedźer lětanišća žanu dowolnosć dał njeje. Wón žada sej pochłostanje a da nastatu škodu posudźować.

wozjewjene w: Lokalka
Prošu přizjewće so, chceće-li komentar podać

nawěšk

  • 21. jolka-swjedźeń w Nuknicy je nimo. Štož zwostanje su dopomnjenki na rjany žortny a zabawny wječor w Nukničanskej Brězanec bróžni. Někotre impresije serbskeho wječora w Nuknicy, kotrež je naša fotografowka-wolontarka Hanka Šěnec zhotowiła, wam tule
  • Serbske Nowiny-LND-Tuchmacherstr. 27 02625 Bautzen: Jolka 12.01.2019
  • Serbske Nowiny-LND-Tuchmacherstr. 27 02625 Bautzen: Jolka 12.01.2019

nowostki LND