Kukowski jubilej z nowosćemi

póndźela, 04. meje 2015
artikl hódnoćić
(0 )
Tři mejske kralowske pory mějachu sobotu w Kukowje (na wobrazu). Mejemje tanje su kónc tydźenja tež w Koslowje swjećili.  Foto: Marian Wjeńka Tři mejske kralowske pory mějachu sobotu w Kukowje (na wobrazu). Mejemje tanje su kónc tydźenja tež w Koslowje swjećili. Foto: Marian Wjeńka

Při najrjeńšim nalětnim wjedrje prěnje mejemjetanja přewjedli

Pančicy-Kukow (SN/MWj). Na wšě 30 porow pěstowarskich a trochu staršich dźěći kaž tež młodostnych je sobotu w Kukowje na 25. mejemjetanju wokoło meje rejwało, štož běštej Mechthild Hogowa a Anja Hejdušcyna z nimi nazwučowałoj. Mejske pory běchu mjez małymi Janik Pjetaš a jeho kuzina Lotta Pjetašec, mjez srjedźnymi Jakub Clausen a jeho sotra Hanka a mjez młodostnymi Richard Hawš a Pia Šołćic. Wšitke holcy běchu serbske wuslěkane. Za jubilejny swjedźeń bě Maria Šołćina někotre nowe mejske pěsnje spisała, kotrež wona hromadźe z Měrćinom Weclichom přewodźeše a kotrež w bohatej ličbje přichwatany publikum sobu spěwaše. W stanje bě widź­eć wustajeńca z mnohimi fotami a z nowinskimi wurězkami wo mejemjetanjach minjeneho štwórćlětstotka, zestajena wot Bianki Vacekoweje. Něchtóžkuli z wopytowarjow so sam na wobrazach spózna a so na tu abo tamnu stawizničku dopomni.

wozjewjene w: Lokalka

Galerija

dalši wobraz (1) dalši wobraz (2)
Jako mejskeho krala njesechu młodostni w Kamjenej Floriana Wróbla (nalěwo). W Radworju bě wčera Daniel Nuk mejski kral, kiž wuzwoli sej Reginu Wenclec za kralownu (naprawo). Foto: B. Handrik/Werner Müller
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Sobotu, 17. febraura,  měješe lětuša inscenacija „Paradiz w dobrej stwě“ Němsko-Serbskeho ludoweho dźiwadła na hłownym jewišću w Budyšinje premjeru. Tule podawamy wam někotre fotowe impresije z přemjerneho předstajenja a z premjerneho swjedźenja. Při

nowostki LND