Wjace hač 150 wobydlerjow na posedźenju gmejnskeju radow było
Trjebin (AK/SN). Sakska sadźa dale na brunicu. Wot Vattenfalla planowana a loni wot sakskeho nutřkowneho ministerstwa dowolena jama Wochozy II ma so zwoprawdźić. Zdobom dyrbja namjety zwjazkoweho ministra za hospodarstwo Sigmara Gabriela (SPD) z blida. „Hač do junija chcemy rozrisanje nańć. Na tym dźěłaja industrijowe dźěłarnistwo hórnistwo-chemija-energija (IG BCE), energijowe předewzaće Mibrag, Vattenfall a RWE kaž tež kraje Sakska, Braniborska a Saksko-Anhaltska“, podšmórny statny sekretar sakskeho ministerstwa za hospodarstwo dr. Hartmut Mangold wčera na zhromadnym zjawnym posedźenju gmejnskeju radow Trjebin a Slepo. Wjace hač 150 wobydlerjow bě do domu towarstwow přišło.