Načolnistwo skrućili
Z jasnym dobyćom 11:4 přećiwo TTC Wojerecy II skrući prěnje blidotenisowe mustwo DJK Konjecy swoje načolnistwo w 1. wokrjesnej lize. Wšě tři dwójki swoje duele dobychu. Na to přesadźichu so w prěnim kole jednotliwcow Alojs Čóška, Michał Elstner a Pětr Bejma. W druhim kole dobychu Rafał Šěrak, Maćij Kokla, Dierk Šewc a znowa Čóška a Elstner swoje hry. Z tym bě jasne dobyće perfektne.
W prěnjej wokrjesnej klasy pohosći Konječan druhe mustwo načolnika TuS Gersdorf III k domjacej hrě. Bjezmała by wone načolnika poskubało. Pola dwójkow dobyštaj Dietmar Hrjehor a Stefen Woko swoju hru. Tuž ležachu Konječenjo po dwójkach jenož z 1:2 w zastatku. W prěnim kole jednotliwcow dypkowachu Rudolf Wittig, Reiner Roßmy a Stefen Woko a w druhim kole dobychu Dietmar Hrjehor, Julian Hrjehor a znowa Woko swoje hry, tak zo dyrbješe při stawje 8:7 štwórta dwójka hru rozsudźić. Tu podležachu Hrjehor/Woko z 2:3 sadźbami cyle njezbožownje. Franc Nowak
Mocy po prima starće popušćili
Tři dowolowe dny sej wudobyli
FC Energija Choćebuz
– TSG Neustrelitz 4:1 (3:0)
Zestawa domjacych: Spahić – Starcew, Matuwila (69. Karbstein), Stein, Schlüter, Kruse, (46. Mamba), Zimmer, Weidlich, de Freitas, Viteritti, Boakye (75. Baude)
Poslednju hru lěta su koparjo Energije Choćebuz minjenu sobotu přećiwo TSG Neustrelitzej 4:1 dobyli a swoje dypkowe konto na 50 ličakow powjetšili. Trenar Claus-Dieter Wollitz dyrbješe tuž přilubjenu premiju spjelnić. „Sym hólcam rjekł, hdyž tež Neustrelitz poraža a my z kulowatej ličbu do hodownych swjatych dnjow dźemy, móža so woni nad třomi dalšimi dowolowymi dnjemi wjeselić. Na to sym so dźeržał. Startujemy do noweho lěta tuž 6. januara“, praji trenar FC Energije na nowinarskej konferency. Do njeje wšak bě sam widźał kak dalše tři dypki bjez wulkich problemow nastachu.
Wuslědki (14.12.17)
Wokrjesna liga, stafla I
Großröhrsdorf II – Malešecy 0:1 (0:1)
Germania Budyšin II – Wachau 0:0 (0:0)
Huska – Bretnig-Hauswalde 1:1 (0:1)
Arnsdorfske KT – Großharthau 6:1 (4:0)
Załom – Połčnica4:4 (1:2)
Ottendorf-Okrilla – Porchow 1:3 (0:0)
1. TSV Połčnica 14 55 : 16 35
2. Traktor Malešecy 15 41 : 19 34
3. Concordia Załom 14 33 : 19 33
4. TSV Wachau 15 32 : 8 31
5. ST Porchow 14 29 : 14 28
6. Arnsdorfske KT 15 31 : 24 24
7. ST Horni kraj-Sprje. II 14 43 : 26 22
8. FV Ottendorf-Okrilla 15 27 : 27 22
9. SC Großröhrsdorf II 15 26 : 16 20
Šiman najlěpši
Njetrjebawšu poražku poćerpjeli
SJ Chrósćicy II
– FSV Łuty 3:5 (1:3)
Zestawa domjacych: Matješk – Dórnik, Mark, Šiman, Dehn, M. Zahrodnik (86. Pjetaš), Bětnar, Domaška, Šołta (64. L. Zahrodnik), Liznar, Bogusz (50. Šmit)
Dokelž njemóžachu koparjo z Chrósćic a Łutow sněha dla na swojim trawniku hrać, dyrbjachu k poslednjej domjacej partiji lěta na kumštnym trawniku w Halštrowje nastupić. Tam pak lěpje njewupadaše. Hrajnišćo pokrywaše tři centimetry sylna woršta sněha. Jenož linije, kotrež sy lědma widźał, běchu swobodne. Chróšćanski cyłk měješe zakop, bul pak spěšnje zaso zhubi, tak zo steješe po 30 sekundach 1:0 za Łuty. Trenarjej Matijasej Dórnikej zwosta jenož hišće komando: „Mužojo wuspiće so, hra je so započała.“ Wrota jich wubudźichu, a koparjo SJC hrajachu jenož hišće do jednoho směra. Wubědźichu sej wjacore šansy, a Matti Bětnar w 24. min. wuruna (24.). Mustwo wokoło kapitana Aleksandra Dórnika tłóčeše nětko na druhe wrota. Te pak so jemu do połčasa wjace njeporadźichu. Hannes Kieslich postara so wo 1:2 (37.) a Tony Bornmann wo 1:3 (40.).
Wuslědki (13.12.17)
Wokrjesna koparska liga, stafla II
Wulka Dubrawa – Ćisk II 5:2 (1:0)
Nowe Město II – Wulke Ždźary 1:1 (0:0)
Chrósćicy II – Łuty3:5 (1:3)
Wojerowski FC II – Haselbachtal 1:2 (0:2)
1. Natw. Němske Pazlicy 14 50 : 12 34
2. ST Lubuš 15 37 : 19 34
3. SV Haselbachtal 15 49 : 23 31
4. HZ Łaz/Běły Chołmc 15 35 : 20 29
5. ST Marijina hwězda 14 35 : 16 28
6. ST Wulka Dubrawa 15 35 : 36 23
7. SJ Njebjelčicy 15 24 : 26 23
8. FSV Łuty 15 29 : 34 23
9. Nowe Město II 15 28 : 32 21
10. Wojerowski FC II 15 28 : 28 20
11. Rakečanske ST II 14 21 : 29 17
12. ST Ćisk II 15 25 : 32 16
13. HZ Wulke Ždźary 15 16 : 30 12
14. ST Nadróz. Hrabowka 14 26 : 40 10
15. SJ Chrósćicy II 15 20 : 55 8
16. Zeleno-běli Sepicy 15 12 : 38 7
Znowa sej „na měcu“ dóstali
Rakečanske ST
– Sokoł Ralbicy/Hórki 4:1 (2:0)
Zestawa domjacych: Dutschmann – Bejma, Reineke (74. Nowotny), Rolof, Zschornack, Brückner, Hrjehor, Schidun, Brosam, Prochnow (69. Wetzorke), M. Šołta
Zestawa hosći: Ch. Gloxyn – J. Bjeńš, Šewc, Zynda (65. B. Bejma), K. Matka, M. Matka (56. Materna), D. Šołta, D. Gloxyn, Janca, Domaška (43. Kurjat), S. Bjeńš
Koparjo Rakečanskeho ST běchu dypkowu hru na kumštny trawnik do Kamjenca přepołožili, byrnjež doma tež twjerde hrajnišćo měli. Nětko duelěrowaštej so z Bosćijom a Fabianom Bejmu kaž tež z Dirkom a Markusom Šołtu hnydom dwaj bratrowskej porikaj. Nimo toho nastupichu „domjacy“ w trikotach Jednoty Kamjenc, dokelž swoje běłe trikoty po zdaću sobu njemějachu.
