SJ Chrósćicy –
LSV Hory 0:5 (0:2)
Zestawa domjacych: Škoda – Sćapan, M. Donat, Kola, Čornak, Zynda, Wowčer, Liznar, B. Donat, J. Donat, Zahrodnik (46. Mark)
Wot spočatka sem pokazachu hosćo, zo chcychu hru dobyć. Tak hižo po třoch mjeńšinach we wrotach Jakuba Škody klinkaše. Při zamjeće Chróšćanow zdoby sej kapitan hosći w srjedźnym polu bul a přihra jón přez hasku mjez nutřkownym a wonkownym škitarjom domjacych nadběhowarjej, kotryž hrajny nastroj do wrotow suny. Krótko na to mějachu domjacy zbožo, zo kožana kula znowa puć do wrotow njenamaka, ale zo nadběhowar z pjeć metrow jenož Chróšćanskeho škitarja trjechi. Poněčim pak so Chróšćenjo do hry namakachu, při čimž hosćom hłownje bul přewostajichu a přez spěšne kontery Bosćana Donata na lěwej stronje sej šansy wuhrachu. To so jim wjacore razy poradźi, tola wotzamknjenja wrota misnychu abo kedźbliwy wrotar je wotwobara. Po 36 min. dóstachu hosćo wólny kop přizwoleny. Tutón třělc do šěsnatki flankowa, hdźež nutřkowny škitar Horjanow hrajny nastroj wótrje do saka zhłójčkowa. Tak rozžohnowachu so mustwje z 0:2 do połčasa.
FC Energija Choćebuz –
HZ Unterhaching 1:2
Zestawa Choćebuz: Bethke – Hasse, Hildebrandt, Eisenhuth, Borgmann, Kujović, Hofmann, Oesterhelweg (76. Badu), Hottmann, Thiele (60. Heike), Wähling (60. Shcherbakovski)
Do wčerawšeje prěnjeje relegaciskeje hry přećiwo bayerskemu mištrej Unterhaching bychu optimisća snano na 2:0 abo hišće wyši rezultat tukali. Přińdźe pak wšitko hinak – hižo w šestej mjeńšinje Niclas Anspach zmylk domjaceho mustwa k nawjedowanju wuži. Energija pak so spěšnje zhraba, třělwa Tobiasa Hasse pak cil snadnje misny. Tak dyrbješe jědnatka pomhać, kotruž Jonas Hildebrandt přetwori. Hišće do přestawki swjećeše 500 fanow hosći wospjetne nawjedowanje. Z wjele zbožom přizemi třělwa Simona Skarlatidisa we wrotach Eliasa Bethki. To hłosy 17 000 fanow FCE njezlemjeni, přetož běchu hnydom zaso tu.
Wokrjesna klasa stafla I
1. SG Steinigtwolmsdorf 18 109 : 26 46
2. Germania Budyšin II 18 80 : 38 39
3. ST Hor. kraj-Sprjewja II 18 63 : 33 36
4. ST Budyšin 18 53 : 26 34
5. ST Mały Wjelkow 18 72 : 44 32
6. Wjel. II/Hnaš.-Dobru. II 18 35 : 50 19
7. Budyšink / Malešecy II 18 38 : 61 18
8. Hodźij II / Huska II 18 35 : 53 17
9. Wóspork / Bart II 18 21 : 59 14
10. TSV Wernarjecy II 18 12 : 128 0
ST Wulka Dubrawa –
ST Marijina hwězda 4:2 (0:2)
Zestawa hosći: D. Matik – Ladewig, Zelnak (71. Wünsche), K. Pakoßnik, R. Cyž, Clausen, Schmidt, Ch. Cyž, Langer (46. Weclich), J. Pakoßnik, Eldor
Kaž hižo w předchadźacych tydźenjach měješe prěnje koparske mustwo Marijineje hwězdy personelne starosće.
Kopańca, wokrjesna liga stafla I
Zeleno-běli Bukecy – ST Bart 3:4 (3:2)
TSV Wjernarjecy – ST Kubšicy 0:2 (0:0)
Huska/Hodźij – Haselbachtal 3:4 (0:2)
Malešecy – Bretnig-Hauswalde 2:0 (1:0)
1. TSV Połčnica 24 78 : 33 56
2. ST Kubšicy 24 55 : 28 49
3. Bretnig-Hauswalde 24 65 : 34 48
4. Arnsdorfske KT 24 55 : 35 43
5. Traktor Malešecy 24 48 : 43 39
6. HZ Huska/Hodźij 24 57 : 41 37
7. TSV Wjazońca 24 58 : 53 36
8. ST Bart 24 37 : 61 34
9. Zeleno-běli Bukecy 24 50 : 56 27
10. SV Haselbachtal 24 42 : 53 26
11. Kumwałd/Schönbach 24 46 : 80 23
12. TSV Wjernarjecy 24 49 : 65 22
13. ST Wjelećin 24 42 : 64 17
14. HZ Frankenthal 24 23 : 59 17
Wokrjesna liga stafla II
Rakečanske ST II – SJ Njebjelčicy 3:0 (2:0)
Wulka Dubrawa – Mar. hwězda 4:2 (0:2)
SJ Chrósćicy II – LSV Hory 0:5 (0:2)
Němske Pazlicy II – Sepicy 4:2 (2:1)
SJ Njebjelčicy – Wojerowski FC II 1:1 (0:1)
Módro-běli Minakał – FSV Łuty 3:2 (1:0)
1. ST Hlinowc 24 105 : 25 63
2. LSV Hory 24 81 : 51 48
3. Nat. Němske Pazlicy II 24 63 : 35 45
4. FSV Łuty 24 49 : 32 44
5. ST Marijina hwězda 24 54 : 40 43
6. ST Lubuš 24 68 : 48 39
7. Módro-běli Minakał 24 60 : 46 39
8. ST Wulka Dubrawa 24 36 : 45 35
9. Wojerowski FC II 24 45 : 41 31
10. SJ Chrósćicy II 24 34 : 58 24
11. Wósl./Skask./Kulow II 24 33 : 60 22
12. Rakečanske ST II 24 38 : 97 19
13. SJ Njebjelčicy 24 24 : 64 14
14. Zeleno-běli Sepicy 24 34 : 82 11
SJ Chrósćicy –
Rotacija Drježdźany 2:4 (1:0)
Zestawa domjacych: Králíček – Mark, Runt, Kreuz, Janca, L. Zahrodnik, M. Zahrodnik (82. Matik), G. Zahrodnik, Krawc (70. Hawš), Młynk, Bogusz
Njedźelu dojědźe sej třeći tabulki Rotacija Drježdźany do Chrósćic. Pod wurjadnymi wuměnjenjemi změnichu Chróšćenjo tróšku swoju taktiku a startowachu ofensiwnje z třomi nadběhowarjemi. Přiwšěm pak pokazachu hosćo, zo njesteja bjez přičiny w hornim dźělu tabulki a kombinowachu derje w swojich rjadach. Domjacy derje přesuwachu a hosćom mało městna w poslednim dźělu hrajnišća skićachu. Tak pokaza SJC efektiwnosć. Pawl Krawc so na lěwym křidle přesadźi a flankowaše do šěsnatki. Jan Bogusz bě před wrotarjom při bulu a jón k 1:0 w 21. min. do wrotow zhłójčkowa. Hosćo pak njedachu so wot toho wottrašić a dale na wrota domjacych tłóčachu. Hustohdy pak startowaše nadběhowar přezahe, tak zo w nimohrě steješe abo zakitowarjo wokoło Floriana Kreuza třělwam zadźěłachu.
ST Ćisk –
Sokoł Ralbicy/Hórki 2:0 (1:0)
Zestawa hosći: J. Bjeńš – M. Matka, Al. Wałda, Schultz, An. Wałda, D. Gloxyn, P. Šołta (46. Kurjat), Rachela (79. Lulak), Korjeńk, Rawš, Domaška
Přećiwo koparskim cyłkam, kiž steja w pincy tabulki, mějachu Ralbičenjo naposledk wulke ćeže. Přećiwo Porchowej na přikład před něšto tydźenjemi doma jenož snadnje z 1:0 dobychu, minjeny hrajny dźeń přećiwo poslednjemu tabulki z Kinsporka wuskoči jenož remis 1:1. Tak běchu sobotu warnowani, přetož steješe přećiwnik z Ćiska do hry na předposlednim městnje.
Za stajneho wrotarja Christopha Gloxyna, kiž wopyta sobotu w Berlinje finale DFB-pokala, dyrbješe Jurij Bjeńš do wrotow. Hewak pobrachowachu trenarjej Tomašej Henčlej zranjenja dla hišće někotři dalši hrajerjo, na přikład Křesćan Bejmak abo Stani Šewc. Najebać to pak chcychu hosćo wot wšeho spočatka hru postajować a spěšnje nawjedować. Tola domjacy běchu derje nastajeni a Sokołow přez cyłu hru ze sylnymi dwubojemi a bojowniskim nastajenjom chětro mjerzachu.
FC Energija Choćebuz –
FSV Luckenwalde 4:1 (1:1)
Energija Choćebuz: Bethke – Hasse (46. Shcherbakovski), Hildebrandt, Slamar, Borgmann, Eisenhuth (77. Erlbeck), Hofmann, Oesterhelweg (46. Kujović), Badu, Hottmann (77. Abu-Alfa), Wähling (72. Heike).
přihladowarjo: 7 610
Ze suwerenym 4:1 je sej FC Energija Choćebuz jědnaty króć krajny pokal zawěsćił a je z tym w tutym wubědźowanju najwuspěšniše mustwo Braniborskeje.
Hosćićeljo derje kombinowachu a ofensiwnje doprědka hrajachu. Ćim bóle překwapi, zo so FSV při prěnim přibliženju wrotam FCE spěšne wurunanje poradźi. Žane dźesać mjeńšinow njetraješe, zo bě Energija zaso na městnje, tak zo zdachu so dalše wrota prašenje časa. Tola traješe hač do 65. min. doniž dachu so zaso wrota swjećić. Třělc prěnich wrotow Eric Hottmann znowa trjechi a docpě krótko po tym swoje třeće wrota dnja. Wulkotnje!