Mysli tež na čas po hodźoch

štwórtk, 17. decembera 2015 spisane wot:
Rjany poskitk, tež jako dar k hodam, ma Rakečanski pjekar Clemens Brězan. W swojich pjekarskich filialach, w Budyskim Serbskim muzeju kaž tež w Serbskej kulturnej informaciji předawa wón šalki a talerje z motiwami znateho serbskeho molerja Měrćina Nowaka-Njechorńskeho. Za kóždy měsac ma šalku a taler z wobrazom, kotryž so k tomu hodźi. Hižo nětkole mysli Rakečan na čas po hodźoch. Za měsac swjećimy wšak ptači kwas, za kotryž su předewšěm talerje trěbne. Foto: SN/Maćij Bulank

Wuslědki (17.12.15)

štwórtk, 17. decembera 2015 spisane wot:

Wokrjesna koparska liga, stafla III

Großröhrsdorf II – Njebjelčicy 3:0 (2:0)

Frankenthal – Wóslink/Skaskow 6:2 (4:0)

Großnaundorf – Arnsdorf 1:1 (1:0)

Kamjenc II – Haselbachtal 4:1 (1:0)

Mar. hwězda – Němske Pazlicy 4:0 (1:0)

Sepicy – Großharthau 3:1 (0:1)

Hlinowc – Ottendorf/Liegau 1:4 (1:2)

1. Frankenthal 14 43  :  23 34

2. Ottendorf/Liegau 13 37  :  14 32

3. Arnsdorf 14 37  :  15 28

4. Marijina hwězda 14 47  :  31 24

5. Großröhrsdorf II 14 29  :  19 24

6. Großnaundorf 13 42  :  20 23

7. Sepicy 13 38  :  34 21

Wuslědki (16.12.15)

srjeda, 16. decembera 2015 spisane wot:

Wokrjesna wyša koparska liga

Bukecy – Łuty1:1 (0:1)

Póst Budyšin – Kumwałd 3:2 (1:1)

Kinspork – Połčnica3:1 (0:1)

Ćisk – Hory0:1 (0:0)

Wachau – Wjelećin5:3 (1:2)

Rakecy – Ralbicy/Hórki 0:4 (0:2)

Chrósćicy – Hnašecy/Dobruša1:0 (1:0)

Ramnow – Kulow2:1 (1:0)

1. Chrósćicy 16 42  :  10 44

2. Hory 15 43  :  8 36

3. Großröhrsdorf 16 41  :  27 29

4. Kumwałd 15 40  :  29 26

5. Ralbicy/Hórki 15 31  :  14 24

6. Hnašecy/Dobruša 15 31  :  17 24

7. Kinspork 16 34  :  30 24

8. Póst Budyšin 16 39  :  36 24

9. Ramnow  14 28  :  27 20

10. Rakecy 16 27  :  28 20

11. Ćisk 15 27  :  28 20

12. Połčnica 16 28  :  27 19

13. Kulow 16 24  :  27 15

14. Wachau 16 27  :  56 12

15. Bukecy 16 17  :  43 10

16. Łuty 16 14  :  53 9

17. Wjelećin 15 20  :  53 8

SV Großdrebnitz

– ST Marijina hwězda 1:6 (1:1) 

Zestawa hosći: Vacek – Rab, Sbjeznie, Lipič­, Wróbl, Langer (75. Škoda), T. Jurš, P. Schmidt, Pakoßnick (46. Czapik), D. Jurš, Peschmann (69. Winkler)

Na 14. hrajnym dnju nastaji so prěnje koparske mustwo ST Marijineje hwězdy na puć k nowačkej ligi do Großdrebnitza. Při jara dobrych wuměnjenjach chcyše wone ze swojej małej seriju dobyćow pokročować. Po zahwizdanju pak bě z myslemi najskerje hišće w kabinje. Hižo po 18 sekundach třěli Jähnichen za Großdrebnitz po zmylku w škiće hosći 1:0. Tak knježeše w jich rjadach najprjedy raz njewěstosć. Hrajny natwar běše přeco zaso njedokładny, běhanske puće špatne a dwu­boje letargiske. Nimo to běchu Pančičanscy nadběhowarjo přeco zaso w nimohrě. Wo tróšku zbožowne wurunanje postara so w 26. min. Dawid Jurš. Hač do přestawki pak so woběmaj cyłkomaj hižo ničo njeporadźi.

Jedna z najlěpšich hrow

wutora, 15. decembera 2015 spisane wot:

Rakečanske ST

– Sokoł Ralbicy/Hórki 0:4 (0:2)

Zestawa hosći: Gloxyn – Korjeńk, Bjeńš, von Köding, Matka, B. Bejma, Šołta, Wałda, Bejmak (55. T. Bejma) – Kurjat (71. F. Bejma), Domaška

Njedźelu jědźechu koparjo Sokoła Ralbicy/Hórki do Rakec na derby. Najebać njewšědny čas dopołdnja přichwata wjele delanskich přiwisnikow do tamnišeho stadiona a dožiwi jednu z najlěpšich hrow Sokoła prěnjeje połserije. Trenar Thomas Schultz měješe doh­romady 19 hrajerjow k dispoziciji. Za Bejmic­ bratrow běše hra wosebita, wša­ko su loni hišće za Rakečanske ST za bulom honili.

Wot spočatka hač do kónca běchu hosćo­ lěpši a starachu so hižo w prě­nich mjeńšinach wo předrozsud. Prěnjej šansy­ woni hnydom wužichu. Najprje­dy nahra Antonius Wałda Gabriela Kur­jata, kiž wěsće přetwori (7.). W 15. min. docpě flanka Pětra Domaški Wałdu, kiž z hłójčku na 2:0 zwyši. Sokoljo hru dale kon­trolowachu, njewuhrachu pak sej žane­ dalše móžnosće. Domjacy spyta­chu wosebje­ z dalokimi třělwami spěšneho Grassu nahrać. Škit wokoło Bosćija Bjeńša pak steješe wěsće a tak dźěchu Ral­bičenjo z měrnym předskokom do kabiny­.

Jědnatkarjo wučerjow přewinyli

wutora, 15. decembera 2015 spisane wot:

Tradicionalny adwentny volleyballowy turněr na Serbskim gymnaziju Budyšin

Wrota padali kaž zrałe płody

póndźela, 14. decembera 2015 spisane wot:

Traktor Malešecy

– ST Mały Wjelkow 7:2 (2:1)

Zestawa domjacych: Seiler – Meider (69. Metasch), Swakon, Hasse (60. Brumme), Stewig, Zichel, Benad, Finke (54. Bayer), Pietke, Koksch, Bolz

Poslednje domjace dypkowe zetkanje prěnjeje połserije wotměchu Malešanscy koparjo přećiwo nowačkej z Małeho Wjelkowa. Tón steji z dźewjeć dypkami w delnim dźělu tabulki a chcyše wšu prócu nałožować, zo by we wokrjesnej lize wostał. Mustwo Traktora běše tuž wězo wulki faworit a docpě hižo w 4. min. přez Pietku nawjedowanje. Krótko po tym zwyši Benad na 2:0. Nětko hosćo swój škit zesylnichu. Z pomocu sudnika znižichu woni přez Kunkela na 2:1 (42.).

Zaso jenož dypk docpěli

póndźela, 14. decembera 2015 spisane wot:

RB Lipsk II

– FSV Budissa Budyšin 1:1 (1:1)

Zestawa hosći: J. Jakubov – Kolan, Klippel (76. Patka), Pfanne, Čermák , Hausdorf, Hoßmang, Rosendo (8.2 A. Jakubov), Reher, Walther (90. Fröhlich), Salewski

Běše to hižo prěnja koparska hra druheje połserije. Sylnej rezerwje RB Lipska poradźi so optimalny start. Hižo zahe docpě wona 1:0 (3.). Budyšenjo pak njeběchu šokowani a mějachu spěšnu wotmołwu. Paul-Max Walther, jich najlěpši třělc, po pasu Ezequiela-Horacia Rosenda wuruna (7.). Za Walthera běchu to jědnate wrota sezony 2015/2016. Zhromadnje z Marcelom Schuchom wot VfB Auerbacha 1906 wón lisćinu třělcow regionalneje ligi-sewjerowuchod nětko nawjeduje. Po furioznym zazběhu widźeše 172 ludźi hru, kotraž wotměwaše so přewažnje mjez šěsnatkomaj.

Z poražku do přestawki

póndźela, 14. decembera 2015 spisane wot:

LSV Bluń 74

– Sokoł Ralbicy/Hórki II 2:1 (2:0)

Zestawa hosći: J. Matka – Zynda, Materna, Bogusz, M. Matka, Čórlich (86. Cyž), Kobalc, Ma. Serbin, Šołta, Mi. Serbin, Kurjat

Po dobrym wukonje w zašłymaj hromaj wjedźeše puć koparjow Sokoła Ralbicy/Hórki II do Blunja. Trenar Michał Čóška dyrbješe z Tomašom Rawšom (žołto/čerwjena), Stefanom Róblom, Křesćanom Matku a Feliksom Šěnom hnydom štyrjoch narunać. Wupady so wosebje w prěnim połčasu na wukonliwosć hosći wuskutkowachu. Zastatk 0:2 bě zasłuženy. W 14. min. přizemi zamjet pola domjaceho hrajerja, kiž sej kulowatu kožu hrabny a z něhdźe 30 metrow wótrje a wuspěšnje wotzamkny. Sokoljo mějachu w běhu prěnjeho połčasa jeničku šansu přez Symana Bogusza, kiž pak njetrjechi. Mjeńšinu do přestawki přijimachu Sokoljo 0:2. Po zamjeće so nadběhowar wušiknje wokoło Michała Serbina zwjertny a kolega z krótkeje distancy Jurja­ Matku znowa přewiny.

Škit znowa přesłaby był

póndźela, 14. decembera 2015 spisane wot:

SC Großröhrsdorf II

– SJ Njebjelčicy 3:0 (2:0)

Zestawa hosći: Hahn – Kral, Deleńk, Pawlik, Šołta, Mjechela, Haška, Hanuza, Lejnart, Hrjehor (55. Schütz), Čornak

Znowa bě trenarska dwójka koparjow Njebjelčanskeje SJ Handrij Krawčik/ Detlef­ Panic nućena mustwowu zestawu přerjadować. Z wjacorych přičin pobrachowachu hnydom štyrjo stajni hrajerjo. Nimo toho wotmě so partija na kumštnym trawniku, na kotrymž mějachu domjacy­ wězo lěpšiny. Bul běži na tajkich kopanišćach bjez zadźěwkow spěšnišo a přihrawki dyrbja precizne być. Z tym pak su sej hrajerjo wokoło zastupowa­ceho kapitana Roberta Lejnarta ćežko činili­. Wulke šansy sej tuž žane njewuhrachu. Za domjacych pak zwjertny so wysoki bul, kotryž bu hišće wot sylneho wětřika­ podpěrany, w 40. min. do hor­njeho kuta k 1:0. Prjedy hač so Njebjel­čenjo tak prawje zhrabachu, ležeše přesłabje wotwobarany bul pjeć mjeńšin pozdźišo znowa w saku Nica Hahnoweje klětki. To bě wězo dospołnje kontraproduktiwne.

Serbska debata

nowostki LND