Přeprošeja cyły kónc tydźenja na kermušu

štwórtk, 10. oktobera 2019 spisane wot:

Kulow (SN/MWj). Hnydom cyły kónc tydźenja přichodne dny w Kulowje kermušu swjeća. Zazběh budźe jutře dwanata kuzłapołna nakupowanska nóc. Wot 19 hodź. přeproša wikowarjo, přemysłownicy a towarstwa, dundać po romantisce wobswětlenym měsće. Na wopytowarjow čakaja jewišćowy program, mjez druhim ze Smjerdźečanskej rejwanskej skupinu, paslenje za dźěći w lutowarni a w katolskej pěstowarni, wustajeńca wo 30. róčnicy měrliweje rewolucije w Forellowym centrumje, grafitijowa dźěłarnička w torhošćowej pasaži kaž tež překwapjenki w jednotliwych wobchodach.

Sobotu přeprosy zawod Krabatowy mlokowy swět w Koćinje na žnjowodźakne a kermušne wiki. Regionalni poskićowarjo postaraja so wo wulku paletu wudźěłkow. Ratarski zawod sam poskići samodźěłany twarožk a běrny ze swójskeje produkcije. Dale zastupjene budu Ring­pfeilec rybarstwo z Rakec, Domanic ratarski zawod z Hózka, Helmec ratarstwo z Jitka, Ermerec pjekarnja z Njedźichowa, Čórlichec zahrodnistwo z Koćiny a dalši. Kulowska skupina přirodoškitneho zwjazka NABU přihotuje znowa wulku přehladku hribow.

Do kina (10.10.19)

štwórtk, 10. oktobera 2019 spisane wot:

10.10.–16.10.2019 Budyski filmowy palast:

Metallica and San Francisco Symphony: nj 17:00 Paw Patrol: nj 10:30 a 14:45 Gemini Man w 3 D: wšědnje 17:00 a 19:45 | pj a so 22:30 Der König der Löwen: wšědnje 14:15 (nimo štw a so) | nj, wu a srj 10:00 Shaun das Schaf: wšědnje 14:45 (nimo štw) a 16:45 | wu a srj 10:15 | nj, wu a srj 12:15 | pó 17:15 A Toy Story: Alles hört auf kein Kommando: nj, wu a srj 12:30 Angry Birds 2: wšědnje 15:00 (nimo štw) | nj, wu a srj 10:15 a 12:30 | pj, so, wu a srj 17:15 Joker: wšědnje 17:00 (nimo štw) | štw 16:45 Joker:­ wšědnje 14:30 (nimo štw), 19:45 (nimo nj) | pj a so 22:30 | nj 20:00 Fast and Furious: Hobbs an Shaw: pj 22:30 Gut gegen Nordwind: wšědnje 19:30 (nimo štw a nj) Pets 2: nj, wu a srj 10:30 Playmobil: nj, wu a srj 12:15 Once Upon A Time ... in Hollywood: nj 19:30 | so 22:30 ES: Kapitel 2: wšědnje 19:15 (nimo štw a pó) | štw, pj a so 19:30

Kino-ekstra: Und wer nimmt den Hund?: pó 17:15 a 20:15

Protyka (04.10.19)

pjatk, 04. oktobera 2019 spisane wot:

Pjatk 4.10.   Zahajenje Serbskeho kulturneho lěta w Liberecu

  18:30 Předstajenje oratorija „Hrodźišćo“ Měrćina Weclicha z 1. serbskej kulturnej brigadu kaž tež z chórom a orchestrom Serbskeho ludoweho ansambla w awli Liberecskeje TU

Sobotu 5. a 6.10.   Domchowanka w Čornochołmčanskim Krabatowym młynje

Sobotu 5.10. 10:00 Dźěłarnička „Sorbian Street Style“ za młodostnych w Budyskim Serbskim muzeju

  10:00 Rybarski swjedźeń w Radworju

  18:00 Duchowny koncert Mainzskeho tachantstwa w cyrkwi klóštra Marijineje hwězdy w Pančicach-Kukowje

  19:00 Nazymske reje Kamjenskeje župy „Michał Hórnik“­ składnostnje 10lětneho wobstaća kapały Con-takt w Chróšćanskej „Jednoće“

Njedźelu 6.10.   Kermuša w Budestecach (Großpostwitz) a Wjazońcy (Neukirch)

  10:00 Nazymski swjedźeń z wikami na Budyskej Bohatej hasy

  10:00 Finisaža projekta Land Art w Miłočanskej skale „Krabatowy kamjeń“

  14:00 Wubědźowanje wo kirbsowy pokal wohnjoweje wobory w delnich Sulšecach

  14:30 Kofejpiće a nazymski koncert ze Smjerdźečanskej rejwanskej skupinu a folklornej skupinu Sprjewjan w Njebjelčanskej „Bjesadźe“

Pokiwy (04.10.19)

pjatk, 04. oktobera 2019 spisane wot:

Na rybarski swjedźeń

Radwor. Cyle w znamjenju rybarskeho swjedźenja steji jutře, 5. oktobra, wot 10 hodź. Radworski kupowy hat. Tam chcedźa ryby wułójić, je zarězać, filetě­rować a kurić. Rybu w najwšelakorišej formje budu sej wopytowarjo na městnje słodźeć dać móc. Doma warić potajkim nichtó nje­trjeba. Dźěćom poručeja sej krutu drastu a škórnje sobu přinjesć. Wšako móža wone tam po łužach a błóće skakać.

Duchowna hudźba w klóštrje

Pančicy-Kukow. Mainzski tachantski chór swj. Měrćina wuhotuje jutře, so­botu, we 18 hodź. koncert duchowneje hudźby w cyrkwi klóštra Marijineje hwězdy w Pančicach-Kukowje. Pod hesłom „Wołanja – pěsnje wěčnosće“ zanjese 75 spěwarkow a spěwarjow chórowe twórby ze wšelakich lětstotkow. Zajim­cy su wutrobnje witani.

Dźiwadło w bróžni

Křižowka (04.10.19)

pjatk, 04. oktobera 2019 spisane wot:

Wodorunje: 3 kruty kraj w morju, 5 myslička, 6 městno knježićela, 7 něhdy přistaw Roma, 10 nic tuni, 13 chětro, 14 nic hólc, 15 alkoholiski napoj

Padorunje: 1 alkoholiski napoj, 2 dalši alkoholiski napoj, 3 kraj koparskich mišterstwow swěta 2022, 4 Staub serbsce (o = ó), 8 nic młodźi, 9 stat USA, 11 norwegska stolica, 12 arabski kraj

Rozhłós (04.10.19)

pjatk, 04. oktobera 2019 spisane wot:

njedźelu hornjoserbsce

11:00 Łužica tutón tydźeń, mjez druhim wo měrliwej rewoluciji před 30 lětami a z přehladom powěsćow tydźenja

11:20 Duwo Mlokawka live w studiju

12:00 Nabožne wusyłanje

 (Beno Jakubaš)

po tym zbožopřeća

delnjoserbsce

12:30 Aktualny magacin, mjez druhim wo měrliwej rewoluciji před 30 lětami

13:00 Serbska rěč w swójbje

13:40 Nabožne wusyłanje

 (Christiana Piniekowa)

po tym gratulacije 

Změna generacijow?

pjatk, 04. oktobera 2019 spisane wot:
Budyšin. Swobodne dźěłowe městna w serbskich institucijach budu jedna tema přichodneho hornjoserbskeho telewizijneho magacina Wuhladko jutře, sobotu, w 11.45 hodź. na sćelaku MDR. Přichodne měsacy ma so tójšto dźěłowych městnow w serbskich institucijach znowa wobsadźić. Za někotre kaž za jednaćelstwo Ludoweho nakładnistwa Domowina maja požadarjow. Za druhe městna pak hižo dlěje podarmo zajimcow pytaja. Přińdźe přichodna změna generacijow w serbskich běrowach – abo wostanu někotre stólcy tola prózdne? Dale rozprawjeja wo nowym oratoriju „Hrodźišćo“ z pjera Měrćina Weclicha a Madleny Nasticcyneje a kak su so akterojo na njón přihotowali. Nimo toho póńdźe wo nowu wustajeńcu w Budyskim Serbskim muzeju „Sorbian Street Style“ a wo Křesćana Zahrodnika, kiž je nowy němski mišter w mnohostronskim jěchanju amaterow. 30lětny Chróšćan je w Hannoverje-Langenhagenje titul dobył.

Do kina (02.10.19)

srjeda, 02. oktobera 2019 spisane wot:

3.10.–9.10.2019 Budyski filmowy palast:

Roger Waters Us + Them: nj 20:00 Paw Patrol: štw, pj, so a nj 15:00 a 17:00 | pó, wu a srj 17:15 | nj 10:15 a 13:00 | wu 14:45 Anime Night: One Piece: so 14.30 Shaun das Schaf: nj 10:15 a 13:00 | štw, pj, so a nj 15:00 a 17:00 | wu 14:45 | pó, wu a srj 17:15 Metallica S&M 2: srj 20:00 Gemini Man w 3 D: wšědnje 14:30 (nimo pó a srj), 17:00 a 19:45 (nimo srj) | srj 19:30 | štw, pj a so 22:30 Dem Horizont so nah: srj 19:45 A Toy Story: Alles hört auf kein Kommando: štw, so a nj 14:30 Der König der Löwen: nj 10:00 | štw, pj, so a nj 16:45 ES: Kapitel 2: štw, pj a so 19:15 a 22:15 | nj, pó a wu 19:30 Angry Birds 2: wšědnje 17:00 (nimo pó) | nj 11:00 | štw, pj, nj a wu 14:45 Fast and Furious: Hobbs and Shaw: štw, pj a so 22:30 Once Upon a Time In ... Hollywood: štw, pj a so19:30 a 22:30 Playmobil: nj 12:15 Pets 2: pj 14:30 | nj 12:30 Gut gegen Nordwind: wšědnje 19:30 (nimo pó a srj)

Kino-ekstra: Und der Zukunft zugewandt: pó 17:15 a 20:15

Městna swobodne

wutora, 01. oktobera 2019 spisane wot:
Worklecy. Dekanatne dušepastyrstwo přeproša dźěći 5. a 6. lětnika wot póndźele do štwórtka, 14. do 17. oktobra, na prózdninske lěhwo do Naumburga. Dokelž su hišće swobodne městna, móža so tež dźěći ze 7. lětnika přizjewić. Na nje čakaja mjez druhim pućowanje, zhromadnosć, modlitwa, paslenje a kupanje. Wot kóždeho wobdźělnika zběra dušepastyrstwo přinošk 80 eurow. Zajimcy njech so prošu hač do jutřišeje srjedy pod telefonowymaj čisłomaj 035796/ 88 707 abo 0152/ 04 39 96 17 abo z mejlku pod adresu we Worklecach přizjewja.

Po wučbje Goethy

póndźela, 30. septembera 2019 spisane wot:
Njebjelčicy (SN). Iwona Stypułkowska – w Pólskej jara připóznata wuměłča mjezynarodneho formata – nawjeduje pjatk, 4. oktobra wot 19 hodź. a nazajtra w 15 hodź. w Njebjelčanskim gmejnskim centrumje za młodych a staršich dźěłarničku po Goethowej wučbje barbow. Štóž móže, njech stafelaju sobu přinjese.

Serbska debata

nowostki LND