Fachowc na ludowej uniwersiće: Antiserbski nadpad wjeršk serije namocy
Wojerecy (SN/mb). „Hrozna tema, rjana stwa“ – witaše Anna-Maria Bulang, nawodnica politiskeho kubłanja Wojerowskeje ludoweje uniwersity, něhdźe štyrceći zajimcow na hród w starym měsće. W rjedźe „Rozmołwa na hrodźe“ dźěše po měrcowskim zarjadowanju „Israel a Palestina – židowstwo a islam“ z katolskim měšnikom Peterom Paulom Gregorom zaso wo łoskoćiwu naležnosć: „Demokratiji njepřećelne struktury w Budyskim wokrjesu“. Referent Christian Schäfer so při tym jara derje wuznawa, wšako dźěła w mobilnym poradźowanskim teamje Kulturneho běrowa Sakskeje we wokrjesomaj Budyšin a Zhorjelc. Nimo toho so wón w regionalnej syći trägerverBUNT za demokratisku towaršnosć angažuje a słušeše k organizatoram lětušich wulkich demonstracijow přećiwo prawicarskemu ekstremizmej.
Drježdźany (syd/SN). Pod hesłom „Wiźeś – Sichtbar – Widźomne“ wuhotowachu Sakski filmowy zwjazk, serbsko-němska syć Lužycafilm a Załožba za serbski lud we wobłuku tele dny wotměwaceho so 36. filmoweho swjedźenja Drježdźany wčera „popołdnjo serbskich (krótko)filmow“ na hrodźe Lingnera w sakskej stolicy. Zaměr zarjadowanja, kotrež přiwabi něhdźe 70 zajimcow, „bě a je, serbske filmowstwo, kotrež wotměje so dotal takrjec na ‚kupje zabytych‘, srjedźišću branše přibližić“, podšmórny moderatorka Cosima Stracke-Nawka, kotraž bě format sobu nastorčiła.
Tež jěchanski klub Kamjenc bě minjeny kónc tydźenja jedne z 88 sportowych towarstwow po cyłej Němskej, kotrež su jěchanski turněr přewjedli. Pola Grofic w Jěžowje bě na tak mjenowanym nalětnim turněrje na jedyn dźeń wjace hač 200 startow. Křesćan Zahrodnik z Chrósćic doby na přikład skakanje z pjećlětnej kobłu Contariju, kotraž słuša plahowarjej Antoniusej Škodźe z Wotrowa. Foto: Konstantin Hrjehor
Najsylniše zliwki minjenych 75 lět su wčera w Dubaju w Zjednoćenych arabskich emiratach zapławjenja zawinowali. Potrjechene běchu wjacore hłowne dróhi pusćinoweho stata. Nachwilnje přetorhnyć dyrbjachu tež dźěło mjezynarodneho lětanišća Dubaja, ze 87 milionami pasažěrami minjeneho lěta sobu najwjetšeho lětanišća swěta. Foto: pa/AP/Jon Gambrell
Sobudźěłaćerjej Budyskeje wobdźělenskeje a wobhospodarjenskeje towaršnosće (BBB) Erik Hein (horjeka) a Benjamin Muche tele dny na Słonoboršćanskej dróze na kromje Budyšina štomy wurězataj. Suche hałzy wonaj wotstronitaj a je na hromady kładźetaj. Dalši sobudźěłaćer hałzy pozdźišo rozkuskuje. Foto: Carmen Schumann
18.4. – 24.4.2024Budyski filmowy palast:Chantal im Märchenland: wšědnje 17:20 (nimo štw a srj) a 20:00 (nimo štw a srj) | so a wu 14:00 | pj a nj 14:40 | štw 16:00 | srj 16:45 | pj a so 22:40 Back to Black: wšědnje 14:40 (nimo štw a pó) | štw a pó 19:30 | pj, so a nj 20:00 | wu 20:30 | so 22:40 Das Erste Omen: wšědnje 19:45 | štw, nj a wu 18:00 | pj a so 22:20 Challengers – Rivalen: srj 19:45 Godzilla x Kong: The New Empire: wšědnje 17:20 a 20:30 (nimo štw a wu) Godzilla x Kong: The New Empire w 3 D: pj a so 23:00 Dune: Part Two: pó 16:30 | so a wu 16:40 Bei uns heisst sie Hanka: nj 12:30 | pj a wu 14:00 | so 16:10 | pj, pó a srj 18:20 | štw 19:30 a 20:00 | nj 20:30 One Life: wšědnje 18:00 Ghostbusters: Frozen Empire: wšědnje 14:30 (nimo štw a pó) | pj a srj 17:20 Monkey Man: pj, so a wu 19:30 | pj a so 22:10 Sneak Preview: pó 20:00 Kung Fu Panda 4: wšědnje 14:00 (nimo štw a pó) | štw, so, nj a wu 16:00 | pj, pó a srj 16:10 White Bird: pj 22:40 Oh la la – Wer ahnt denn sowas?: wšědn ...
Ze 4. Serbskej debatu we Wojerecach rjad lětsa zakónčili – prašenjow je nadal mnohich a wotmołwow hišće wjacPrologŽurla „Vis-à-vis“ we Wojerecach. Rynki stólcow so pomału pjelnja. Wotboka přišeptnje mi něchtó: „Dźensa je najmjenje ludźi přišło.“ Něhdźe 40 jich přiwšěm je, 30 ludźi so přez livestream wobdźěla. Hladaja wćipnje na podij, za kotrymž je na sćěnowinje widźeć: 4. Serbska debata. Tema dźensa: Štó zastupuje serbski lud? Přichod politiskeje participacije.Participacija, što da to nětko zaso je? Mały ekskurs: za cuzym słowom chowa so jako serbski přełožk wobdźělenje abo tež sobupostajowanje. Debata ma potajkim wuslědźić, štó móhł serbski ludźik w přichodźe na parkeće wulkeje politiki zastupować.