Běhi a trail na Čornobóh

póndźela, 25. apryla 2016
artikl hódnoćić
(0 )

W Kumwałdźe wotmě so mjeztym hižo 6. běh na 556 metrow wysoki Čornobóh. Tele woblubowane sportowe wurisanje organizuje wot lěta 2011 Budyski měšćanski zwjazk CDU w kooperaciji z lochkoatletiskim zjednoćenstwom Čerwje­no-běli 90 a z Kumwałdskim městnym zwjazkom CDU. Při Kumwałdskej wyšej šuli stej start a cil wšitkich běhow.

Na wubědźowanskich distancach 1,7 km, 3,5 km, 8,2 km a 15,7 km-trail doběža cyłkownje 301 atlet do cila, mjez nimi wjacori zahorići serbscy běharjo. Woni wuwojowachu sej slědowace městna: jedne cyłkowne prěnje a w starobnych skupinach štyri prěnje, trójce třeće, jónu šeste a jónu jědnate městno.

wozjewjene w: Sport
Prošu přizjewće so, chceće-li komentar podać

Serbska debata

nowostki LND